Anushka Sharma Pregnancy : मुंबई : स्टार कपल विराट कोहली, अनुष्का शर्मा यांच्या आयुष्यात लवकरच नव्या पाहुण्याचं आगमन होणार आहे. काही दिवसांपूर्वी त्यांना एका क्लिनीकच्या बाहेर काही मीडीया पर्सन्सनी पाहिल होते. मात्र कपलने विनंती केल्यामुळे त्याची जास्त चर्चा झाली नाही. मात्र आता दोघांचा एक व्हिडीओ सध्या सोशल मीडियावर तुफान व्हायरल होत आहे. व्हायरल होत असलेल्या व्हिडीओमध्ये विराट आणि अनुष्का दोघेही एकमेकांचा हात धरुन चालताना दिसत आहेत.
गेल्या काही दिवसांपासून प्रेग्नेंसीच्या चर्चा सुरु असताना अनुष्का लाईमलाईट पासून देखील दूर होती. नुकताच, अभिनेत्रीला पती विराट कोहली याच्यासोबत स्पॉट करण्यात आलं. तेव्हा अनेकांच्या नजरा अनुष्का हिच्या बेबी बम्पकडे येऊन थांबल्या.
12 नोव्हेंबर रोजी भारत विरुद्ध नेदरलँड सामना खेळला जाणार आहे. अनुष्का शर्मा पती विराट कोहली याला चिअर-अप करण्यासाठी बंगळुरूमध्ये दाखल झाली आहे. सामन्यापूर्वी विराट – अनुष्का एकत्र दिसले. दोघांचा हाच व्हिडीओ सध्या सोशल मीडियावर तुफान व्हायरल होत आहे.
अनुष्का सोशल मीडियावर कायम सक्रिय असते. पण अभिनेत्रीने दुसऱ्यांदा आई होण्याच्या चर्चांवर मौन बाळगलं होतं. सोशल मीडियावर अभिनेत्रीच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी देखील अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असतो. मात्र काही दिवसांपासून तिने तिचा एकही लेटेस्ट फोटो शेअर केला नव्हाता, कदाचीत बेबी बम्पमुळे असं झालं असेल.
