पुणे : कान्स फिल्म्स फेस्टिव्हल्स मध्ये भारतीय कलाकार देशाची मान उंचावत आहे. या महोत्सवात विविध कलाकारांचा गौरव करण्यात येत आहे. 77 व्या कान्स फिल्म फेस्टिव्हलमध्ये अनुसया सेनगुप्ता या भारतीय अभिनेत्रींने सर्वोत्कृष्ट अभिनेत्रीचा पुरस्कार जिंकला आहे. अनुसया सेनगुप्ता हिने अन सरटेन रिगार्ड सेगमेंटमध्ये सर्वोत्कृष्ट अभिनेत्रीचा पुरस्कार जिंकला आहे.
अन सरटेन रिगार्ड सेगमेंटमध्ये सर्वोत्कृष्ट अभिनेत्रीचा पुरस्कार पटकावणारी अनुसया ही पहिली भारतीय ठरली आहे. बल्गेरियन चित्रपट निर्माते कॉन्स्टॅंटीन बोजानोव यांनी दिग्दर्शित केलेल्या ‘शेमलेस’ या चित्रपटातील भुमिकेसाठी तिला या पुरस्कारानं गौरवण्यात आलं आहे. चित्रपटात अनुसयाने एका सेक्स वर्करची भूमिका साकारली आहे, जी एका पोलीसाला भोसकून दिल्लीच्या वेश्यालयातून पळून जाते.
अनुसया सेनगुप्ता ही कोलकत्त्याची रहिवासी आहे. अनुसया ही मुंबईत प्रॉडक्शन डिझायनर म्हणून ओळखली जाते आणि सध्या ती गोव्यात राहत आहे.
