मुंबई : सुपरस्टार अल्लू अर्जूनचा बहुचर्चित असलेला चित्रपट ‘पुष्पा 2’ चा टीझर समोर आला आहे. ‘पुष्पा 2’ : द रुल चित्रपटाच्या रिलीज डेटबाबतही मोठी घोषणा करण्यात आली आहे. या सिनेमाची रिलीज डेट पुन्हा एकदा पुढे ढकलण्यात आली आहे. ‘पुष्पा 2’ जो आधी 6 डिसेंबरला रिलीज होणार होता तो आता त्याच्या एक दिवस आधी म्हणजेच 5 डिसेंबर 2024 रोजी जगभरातील चित्रपटगृहांमध्ये प्रदर्शित होणार आहे.
हैदराबादमध्ये वितरकासोबत एका मोठ्या कार्यक्रमादरम्यान चित्रपटाच्या निर्मात्याने अधिकृतपणे चित्रपटाची नवीन रिलीज डेट जाहीर केली आहे.
‘पुष्पा 2’ चित्रपटाची घोषणा झाल्यापासून चाहत्यांची उत्कंठा शिगेला पोहोचली आहे. विशेष म्हणजे ‘पुष्पा 2’ रिलीज होण्यापूर्वीच सिनेमाने तब्बल 1085 कोटींचे एकूण कलेक्शन केले आहे. अल्लू अर्जुनला पुष्पाच्या रुपात पाहण्यासाठी चाहते आतुर झाले आहेत. रश्मिका मंदान्ना, फहद फासिल आणि अल्लु अर्जुन यांचा अभिनय असलेला हा चित्रपट सुकुमार यांनी दिग्दर्शित केला आहे.
दरम्यान, ‘पुष्पा 2’ च्या प्रदर्शनाआधीच त्यातील गाण्यांनी सोशल मीडियावर धुमाकूळ घातला आहे. ‘पुष्पा 2’ सिनेमाचा टीझर आणि त्यातील गाण्यांमुळे सिनेबाबाबत चाहत्यांची उत्सुकता शिगेला पोहोचली आहे.
