Munjya Movie Box Office Collection : बॉक्स ऑफिसवर आदित्य सरपोतदार दिग्दर्शित हॉरर कॉमेडी ‘मुंज्या’ हा चित्रपट 7 जून रोजी मोठ्या पडद्यावर प्रदर्शित झाला आहे. प्रेक्षकांनीही या हॉरर कॉमेडीला चांगला प्रतिसाद दिला आहे.
‘मुंज्या’ चित्रपट प्रदर्शित झाल्यानंतर अवघ्या चारच दिवसांत या चित्रपटाने चांगली कमाई केली आहे. चारच दिवसांत मुज्यांने 28.36 कोटींची कमाई केली आहे. सोशल मीडियावरही या चित्रपटाची चांगलीच चर्चा सुरु आहे.
View this post on Instagram
‘मुंज्या’ चित्रपट प्रदर्शन झाल्यानंतर 4 कोटी 21 लाखांची कमाई केली होती. तर, दुसऱ्या दिवशी चित्रपटाने 7 कोटी 40 लाखांची कमाई केली. तिसऱ्या दिवशीदेखील 8.43 कोटींची कमाई केली. तर सोमवारी सुट्टीचा दिवस नसतानाही प्रेक्षकांनी चित्रपटाला चांगला प्रतिसाद दिला आहे. सोमवारी चित्रपटाने 3 कोटी 75 लाखांची कमाई केली आहे. तर या चित्रपटाने पाचव्या दिवशी जवळपास 4 कोटींची कमाई केली आहे.
एका रिपोर्टनुसार, आतापर्यंत या चित्रपटाने 27 कोटी 25 लाखांची कमाई केल्याचं सांगण्यात येत आहे. चित्रपटाला मिळणारा प्रतिसाद पाहून निर्माते व दिग्दर्शक चांगलेच खुश आहेत.
कोकणातल्या दंतकथेतील ‘मुंज्या’वर आधारलेला हा चित्रपट आता सगळ्यांचं लक्ष वेधून घेताना दिसतोय. कोकणातील लोककथा आणि निसर्गाचे सौंदर्य याचा पुरेपुर वापर या चित्रपटात केलं आहे. मुंज्या चित्रपटाचे दिग्दर्शन आदित्य सरपोतदार यांनी केले आहे. तर, शरवरी वाघ आणि अभय वर्मा, मोना सिंह यांच्या प्रमुख भूमिका आहेत. त्याचबरोबर अनेक मराठी कलाकारांच्यादेखील या चित्रपटात महत्त्वाच्या भूमिका आहेत.
