पुणे : बॉर्डर २ चे शूटिंग सध्या पुण्यात सुरू आहे. यानिमित्ताने अभिनेता वरुण धवन व अभिनेता अहान शेट्टी सध्या पुण्यात आहेत. याचदरम्यान, वरुण धवनचा एक व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओमध्ये वरुण धवन आणि अभय शेट्टी पुण्यातील मेट्रोने प्रवास करताना दिसत आहेत.

मेट्रोने प्रवास करतानाचा व्हिडिओ अहान शेट्टीने त्याच्या इन्स्टाग्राम अकाउंटवर शेअर केला आहे. व्हिडिओमध्ये वरुण धवन म्हणत आहे की, ‘आम्ही सध्या पुण्यात आहोत व हरवलो आहोत. आता आम्ही मेट्रोमधून प्रवास करत हॉटेलपर्यंत पोहोचणार आहोत. वरूनने आपल्या चेहऱ्यावर मास्क लावला आहे तर अभय देखील मास्कमध्ये दिसत आहे. सोशल मीडियावर हा व्हिडिओ व्हायरल झाल्यानंतर नेटकरी भन्नाट प्रतिक्रिया देत आहेत.

वरुन धवनच्या या व्हिडीओवर मराठी अभिनेता पुष्कर जोग यानेही कमेंट केली आहे. पुणे अशी कमेंट करत हार्ट इमोजी शेअर केला आहे. तर नेटकऱ्यांनी वरुणला भेटण्याची संधी गमावली असं म्हणत दुःख व्यक्त करत आहेत. तर अनेकजणांनी आम्ही त्यावेळी मेट्रोने प्रवास का करत नव्हतो. अशा कमेंट्स केल्या आहेत.







