मुंबई : मराठी चित्रपट सृष्टीतील एक दिग्गज अभिनेते निळू फुले यांनी २५० पेक्षा जास्त मराठी आणि हिंदी चित्रपटांमध्ये काम केले आहे. त्यांनी आपल्या अभिनयनाने करोडो चाहत्यांची मने जिंकली आहेत. आता त्यांच्या जीवनावर आधारित बायोपिक लवकरच प्रेक्षकांच्या भेटीला येणार आहे.
प्रसिद्ध मराठी अभिनेता प्रसाद ओक यांनी ‘महाराष्ट्राचा फेव्हरेट कोण’या पुरस्कार सोहळ्याला उपस्थित होते. यावेळी बोलताना त्यांनी सांगितले कि, अभिनेते निळू फुले यांच्या जीवनावर आधारित आता बायोपिक चित्रपटाची तयारी सुरु झाली आहे”असे सांगितले. मात्र यात कोणते कलाकार तंत्रज्ञ असणार आहेत याबाबत माहिती दिली नाही. तर या बायोपिक चित्रपटात प्रसाद ओक हे दिग्दर्शकाच्या भूमिकेत दिसणार आहे.
दरम्यान, अभिनेता प्रसाद ओकने काही दिवसांपूर्वी निळू फुले यांच्या वाढदिवसाच्या निमित्ताने इन्स्टाग्रामवर एक पोस्ट लिहिली होती. ही पोस्ट निळू फुले यांची मुलगी गार्गी फुले यांनाही टॅग केलं होतं. प्रसाद ओकने या पोस्टमधून निळू फुले यांच्याप्रती आपल्या भावना व्यक्त केल्या होत्या. तसेच त्याने पोस्टमधून बायोपिकची माहिती दिली होती.
