पुणे : दिवाळी वर्षांतला मोठा सण, ज्याची आतुरतेने वाट पाहिली जाते, स्वागताची तयारी केली जाते. सर्वसामान्यांप्रमाणे सेलिब्रिटींच्या घरीही दिवाळीची लगबग पाहायला मिळत आहे. रोषणाई आणि फराळ यामध्ये कलाकारही व्यस्त असल्याचं दिसून येत आहे. अशातच अभिनेता अविनाश नारकर यांनी कामात व्यस्त असलेल्या पत्नीची मदत करतं तिचा फराळाचा भार हलका केला आहे.
अभिनेत्री ऐश्वर्या नारकर सध्या मालिकेच्या शुटिंगमध्ये व्यस्त आहेत. यामुळे त्यांच्या नवऱ्याने यंदा फराळ बनवण्यात पुढाकार घेतला आहे. अविनाश नारकरांनी करंज्या बनवतानाचा सुंदर व्हिडीओ सोशल मीडियावर शेअर केला आहे. यामध्ये अभिनेते स्वत:च्या हाताने सुबक अशा करंज्या बनवून त्यानंतर तळत असल्याचं पाहायला मिळालं.
अविनाश नारकर यांनी करंज्या बनवतानाचा व्हिडीओ शेअर करत कॅप्शनमध्ये लिहिलंय, ‘चला चला, या या या… सगळ्यांनी फराळाला या… मी,ऐश्वर्या आणि आमच्या संपूर्ण परिवाराकडून तुम्हाला आणि तुमच्या संपूर्ण परिवाराला या मंगलमय, तेजोमय दिवाळी आणि नवीन वर्षांच्या खूप खूप खूप मनापासून शुभेच्छा!’
दरम्यान, या व्हिडीओवर ऐश्वर्या नारकर यांनी केलेल्या कमेंटने सर्वांचं लक्ष वेधलं आहे. ऐश्वर्या नारकर यांनी या व्हिडिओला “कमाल करंज्या…” अशी कमेंट केली आहे. याबरोबरच एका नेटकऱ्याने लिहिलं आहे ‘तुमच्या सारखा गोड साथीदार मिळाला, तर करंज्या काय संसार पण गोडच होणार, अविनाश आणि ऐश्वर्या दिवाळीच्या खूप खूप शुभेच्छा!’
View this post on Instagram
