पुणे प्राईम न्यूज: बॉलिवूडचा मिस्टर परफेक्शनिस्ट आमिर खान (Aamir Khan) चेन्नईला शिफ्ट होण्याच्या तयारीत आहे. आमिर बऱ्याच दिवसांपासून मुंबईत राहतो आहे आणि तिथेच कामही करतोय. पण, आता त्याने चेन्नईला जाण्याचा बेत आखला आहे. आमिर खान पुढील दोन महिने चेन्नईत राहणार आहे. यामागे व्यावसायिक तसेच वैयक्तिक कारणे आहेत.
वास्तविक, आमिर खान चेन्नईला जाण्याचे कारण केवळ काम नाही तर त्याची आई झीनत हुसैन देखील आहे. सुपरस्टार त्याच्या आईच्या खूप जवळ आहे. आता तो चेन्नईला जाऊन आईसोबत राहणार आहे. अभिनेत्याशी संबंधित एका सूत्राने इंडिया टुडेला सांगितले की, आमिर खानसाठी त्याचे कुटुंब पहिले आहे. अशा परिस्थितीत तो पुढील दोन महिने चेन्नईत राहण्याचा विचार करत आहे.
आमिरची आई झीनत हुसैन यांच्यावर सध्या चेन्नईतील एका खासगी हॉस्पिटलमध्ये उपचार सुरू आहेत. या कठीण काळात आमिरला त्याच्या आईसोबत राहायचे आहे. आमिरने त्याच्या आईच्या उपचार केंद्राजवळील हॉटेलमध्ये राहण्याचा निर्णय घेतला आहे, जेणेकरून जेव्हा त्याला गरज असेल तेव्हा तो त्यांना भेटू शकेल.
अलीकडेच एका कार्यक्रमात आमिर खान म्हणाला होता की, अभिनय आणि चित्रपट निर्मितीसोबतच त्याला आपल्या कुटुंबालाही वेळ द्यायचा आहे. कामामुळे त्याने आपल्या कुटुंबाला आणि मुलांना जास्त वेळ दिला नाही, याची खंत असल्याचे आमिरने म्हटले होते. तो आपल्या नात्यांसाठीही वेळ देऊ शकत नव्हता. अशा परिस्थितीत आता तो आपली चूक सुधारण्याचा प्रयत्न करत आहे. आमिर चित्रपटांमधून ब्रेक घेत आहे आणि अधिकाधिक वेळ कुटुंबासोबत घालवत आहे.
दरम्यान, आमिर खानची मुलगी आयराही तिच्या आई-वडिलांसोबतच्या नात्याबद्दल बोलली आहे. तिने सांगितले की, आई-वडिलांसोबतच्या नातेसंबंधावर तिने नेहमीच मेहनत घेतली आहे. इंडिया टुडेशी बोलताना आयरा म्हणाली, ‘माझ्या आई-वडिलांसोबतचे माझे नाते असे आहे, ज्यावर मी सक्रियपणे काम केले आहे. कारण तुमचे तुमच्या पालकांसोबतचे नाते हे तुमच्या आयुष्यातील सर्वात घट्ट नाते आहे. आयराने असेही सांगितले की, ती तिच्या पालकांशी मोकळेपणाने बोलत असते, परंतु वडिलांशी बोलण्यापेक्षा तिच्या आईशी बोलणे तिला सोपे आहे.
