मुंबई : हिंदी चित्रपट सृष्टीतील दिग्गज अभिनेते मिथिलेश चतुर्वेदी यांचे काल बुधवारी (ता.३) रात्री निधन झाले आहे. त्यांच्या निधनानंतर कलाक्षेत्रात शोककळा पसरली आहे.
मिथिलेश यांनी कोई मिल गया, गदर एक प्रेमकथा, सत्या, बंटी और बबली, क्रिश ताल, अशोका, रेडी या हिंदी चित्रपटांमध्ये काम केले आहे. अमिताभ बच्चन आणि आयुष्मान खुराना यांचा चर्चित सिनेमा ‘गुलाबो सिताबो’ हा त्यांचा शेवटचा सिनेमा ठरला.
मिथिलेश चतुर्वेदी हे गेल्या काही दिवसांपासून हृदयरोगाशी झुंज देत होते. परंतु, त्यांची काल बुधवारी (ता.३) रात्री प्राणज्योत मावळली. त्यांच्या निधनाने चित्रपटसृष्टीवर शोककळा पसरली आहे. अनेक चाहते त्यांना सोशल मीडियावरून श्रद्धांजली वाहताना दिसत आहेत. दरम्यान, त्यांच्या अंत्यसंस्काराबद्दल अजून कोणतीही माहिती समोर आली नाही.
