हडपसर : अकरावी प्रवेश प्रक्रियेमध्ये महत्वाचा बदल करण्यात आला आहे. व्यवस्थापन आणि संस्थेतील विद्यार्थ्यांचा राखीव जागांचा प्रवेश आता ऑनलाईन गुणवत्ते प्रमाणे होणार आहे.
विद्यार्थ्यांना जर वरील दोन्ही राखीव जागेवर प्रवेश हवा असेल तर त्यांनी ऑनलाईन प्रवेश अर्ज करताना तसा उल्लेख करणे आवश्यक आहे. व राखीव जागेवर टिक करणे गरजेचे आहे. या पुढे मॅनेजमेंट आणि इन हाऊस कोटा हे दोन्हीचे प्रवेश हे मेरिट प्रमाणे ऑनलाईनच होणार आहेत. याची नोंद सर्व विद्यार्थी आणि पालकांनी घ्यावी. व येथून पुढे अर्ज भरताना, विद्यार्थ्यांनी त्याप्रकारे नोंद करावी.
दरम्यान, विद्यार्थी आणि पालकांनी या बदलाची नोंद घेऊन व्यवस्थित फॉर्म भरावा. असे आवाहन हडपसर मधील आर आर शिंदे ज्युनियर कॉलेज, एस एम जोशी कॉलेज आणि आकुताई कल्याणी ज्यु कॉलेज यांच्या वतीने करण्यात आले आहे.
