राजेंद्रकुमार गुंड
माढा : जिल्हा परिषद शिक्षण विभागाच्या वतीने कुर्डू येथे तालुका स्तरीय बुद्धिबळ स्पर्धेचे आयोजन करण्यात आले होते. या स्पर्धेत विठ्ठलवाडी येतेतील तीन खेळाडूंनी जबरदस्त कामगिरी करताना विजेतेपद पटकावले.
या स्पर्धेत शिवम सुधीर गुंड व मानसी मारुती शेंडगे यांनी विजेतेपद साकारल्याने त्यांची निवड जिल्हास्तरीय स्पर्धेसाठी करण्यात आली आहे. तर मेघश्री राजेंद्र गुंड हिने तालुक्यातून दुसरे स्थान राखले.
विठ्ठलवाडीतील रहिवासी व सध्या माढा येथील सहकारमहर्षी गणपतराव साठे जिल्हा परिषद प्रशालेतील इयत्ता आठवीत शिकणाऱ्या शिवम सुधीर गुंड याने मुलांच्या मोठ्या तालुकास्तरीय विजेतेपद साकारले. त्याला सहशिक्षक सुधीर गुंड व सहशिक्षिका माधुरी गुंड यांचे मार्गदर्शन लाभले.
