विशाल कदम
Karmala News, जिंती : जवाहर नवोदय विद्यालयाच्या परीक्षेत जिंती (ता. करमाळा) येथील रियांश लाला धेंडे याने घवघवीत यश संपादन केले आहे. (Karmala News) रियांशने मिळविलेल्या यशाबद्दल परिसरातील नागरिकांकडून त्याचे भरभरून कौतुक होत आहे. (Karmala News)
रियांशची मोहोळ येथील जवाहर नवोदय विद्यालयासाठी निवड
जवाहर नवोदय विद्यालयाच्या 2023 च्या परीक्षेचा इयत्ता ६ वीच्या प्रवेशासाठीचा निकाल जाहीर केला आहे. या परीक्षेत रियांश धेंडे याची पोखरापुर (ता. मोहोळ) येथील जवाहर नवोदय विद्यालयासाठी निवड झाली आहे.
रियांशला लहानपणापासून अभ्यासाची आवड होती. रियांशने प्राथमिक शिक्षण जिंती येथील प्राथमिक शाळेतून पूर्ण केले. रियांशला या यशासाठी आई-वडील व शिक्षक यांचे बहुमुल्य मार्गदर्शन मिळाले.
दरम्यान, केंद्रीय पाठ्यक्रम अंतर्गत केंद्र सरकारने सुरू केलेल्या जवाहर नवोदय विद्यालयांमध्ये प्रवेशासाठी राज्य स्तरावर परीक्षा घेतली जाते. त्या परीक्षेच्या माध्यमातून गुणवत्ताधारक विद्यार्थ्यांना जवाहर नवोदय विद्यालयामध्ये प्रवेश दिला जातो.
