दीपक खिलारे
इंदापूर : भारतीय जनता युवा मोर्चा कोअर कमिटीचे प्रमुख तसेच निरा भिमा सहकारी साखर कारखान्याचे संचालक युवा नेते राजवर्धन पाटील यांच्या वाढदिवसानिमित्त तरंगवाडी (ता.इंदापूर) येथील राजवर्धन पाटील मित्र परिवाराच्या वतीने तरंगवाडी जिल्हा परिषद शाळेतील विद्यार्थ्यांना वही व पेनचे वाटप करण्यात आले.
राज्याचे माजी मंत्री व भाजप नेते हर्षवर्धन पाटील यांच्या मार्गदर्शनाखाली राजवर्धन पाटील मित्र मंडळ तरंगवाडीच्या वतीने दरवर्षी सामाजिक उपक्रम राबवून राजवर्धन पाटील यांचा वाढदिवस साजरा करण्यात येत असतो.
यावेळी भाजप कोअर कमिटीचे बापूराव पारेकर, अनिकेत हेगडे, गोरख फडतरे, अमोल डोंबाळे, शाळा समिती उपाध्यक्ष दत्तात्रय गायकवाड, शाळेचे मुख्याध्यापक उबाळे सर, शिक्षिका सौ.घळके, सौ.घुले आदी उपस्थित होते.
