लहू चव्हाण
पाचगणी : पाचगणी (गोडवली) येथील भारती विद्यापीठ हायस्कूल येथे भारती विद्यापीठाचे संस्थापक, कॉंग्रेसचे दिवंगत नेते, माजी मंत्री डॉ पतंगराव कदम यांची ७९ जयंती व महाराष्ट्राचे माजी राज्यमंत्री व विद्यमान आमदार, भारती विद्यापीठाचेकार्यवाह डॉ. विश्वजीत कदम(साहेब) यांच्या वाढदिवसानिमित्त विविध सामाजिक व शैक्षणिक उपक्रम राबविण्यात आले.
या कार्यक्रमास प्रमुख म्हणून भारती विद्यापीठ हायस्कूलचे मुख्याध्यापक शहाजी सावंत,सौ.प्राजक्ता माने, कुमार कांबळे, सर्व शिक्षक शिक्षकेतर कर्मचारी विद्यार्थी विद्यार्थिनी उपस्थित होते.
यावेळी रांगोळी आणि फॅन्सी ड्रेस स्पर्धा घेण्यात आल्या. या स्पर्धेत सहभागी झालेल्या विद्यार्थ्यांनी उत्तम रांगोळ्या काढल्या होत्या. त्याचबरोबर विद्यार्थ्यांनी फॅन्सी ड्रेस स्पर्धेत विविध प्रकारच्या वेषभूषा परिधान करून जुन्या व नवीन गोष्टींचा आविष्कार सादर केला.
यावेळी विद्यालयातील विद्यार्थी विद्यार्थिनी आणि सर्व शिक्षक शिक्षकेतर कर्मचारी यांना स्नेह भोजनाचे आयोजन करण्यात आले होते. स्नेहभोजनाचा आस्वाद घेताना विद्यार्थी व शिक्षकांनी श्लोक गायन केले व कार्यक्रमाची सांगता झाली.
