पुणे : सावित्रीबाई फुले पुणे विद्यापीठाच्या प्राध्यापक पदाच्या भरतीसाठी मुलाखती दिलेल्या उमेदवारांची निवड यादी विद्यापीठातर्फे प्रसिद्ध केली आहे. येत्या दोन दिवसात विद्यापीठाकडून निवड झालेल्या संबंधित उमेदवारांना नियुक्तिपत्र दिले जाणार आहेत. विद्यापीठातर्फे विविध विभागांमध्ये शिक्षकीय पदे भरण्यासाठी १३३ पदांची जाहिरात प्रसिद्ध केले होते. पुणे विद्यापीठातील विविध शैक्षणिक विभागांमध्ये २०२४-२५ या शैक्षणिक वर्षाकरिता सहाय्यक प्राध्यापक करार पद्धतीने पदे भरण्यासाठी २६ ऑगस्ट २०२४ रोजी परिपत्रक प्रसिद्ध केले होते.
या परिपत्रकाला अनुसरून उमेदवारांकडून ८ ऑक्टोबर ते १० ऑक्टोबर या कालावधीत अर्ज स्वीकारण्यात आले. या गुणवत्ता व निवड यादीमधील उमेदवारांना २८ ते ३० नोव्हेंबर या कालावधीत संबंधित विभागामार्फत नियुक्तीपत्र दिले जाणार आहे. उमेदवारांनी ऑनलाईन अर्ज करताना दिलेल्या माहिती आणि कागदपत्रांच्या सत्यत्तेच्या पडताळणीला अधीन राहून ही निवड यादी तयार केल्याचे परिपत्रक विद्यापीठातर्फे प्रसिद्ध करण्यात आले आहे.
