राजु देवडे
Ambegaon News : लोणी-धामणी : निरगुडसर (ता.आंबेगाव) येथील पं. ज. नेहरु माध्यमिक व द.गो.वळसे पाटील उच्च माध्यमिक विद्यालयात भारताचे माजी राष्ट्रपती डॉ. ए. पी. जे. अब्दुल कलाम यांच्या जंयतीनिमित्त वृत्तपत्र विक्रेता दिन व वाचन प्रेरणा दिन साजरा करून करण्यात आले.
वृत्तपत्राचे सामुहिक वाचन
यावेळी त्यांच्या प्रतिमेचे पूजन करत पुष्पहार अर्पण करून अभिवादन करण्यात आले. अनेक विद्यार्थ्यांनी वेगवेगळी पुस्तके वाचून तसेच वृतपत्र वाचन काळाची गरज या बद्दलची माहिती सांगितली. तसेच प्राचार्य कांताराम टाव्हरे, वैशाली वाबळे-काळे, विनायक जोशी यांनी वृत्तपत्र वाचन काळाची गरज व पुस्तक वाचनाचे महत्व सांगितले. यावेळी विद्यालयातील ग्रंथालयात पुस्तक प्रदर्शन भरविण्यात आले होते. त्याचे सर्व नियोजन ग्रंथपाल सुभाष बानखेले यांनी केले होते.
यावेळी विद्यालयाचे प्राचार्य कांताराम टाव्हरे, पर्यवेक्षक संतोष वळसे, ग्रंथपाल सुभाष बानखेले, शिक्षक, शिक्षकेतर कर्मचारी, विद्यार्थी उपस्थित होते. या सर्व कार्यकर्माचे सूत्रसंचालन मोहन दरेकर यांनी केले.
