भरत चव्हाण असे मध्यधुंद अवस्थेत शाळेत झोपलेल्या शिक्षकाचे नाव आहे.
बारामती : ज्या विद्येच्या मंदिरात ज्ञानदानाचे प्रवित्र कार्य केले जाते. त्याच शाळेत एक शिक्षक चक्क दारू पिऊन झोपल्याची धक्कादायक घटना तरडोली (ता. बारामती) येथील भोईटे वस्तीवरील जिल्हा परिषद प्राथमिक शाळेत घडली आहे. सदर प्रकार हा सजग नागरिकाने अचानक शाळा भेट केल्याने उघडकीस आला आहे. आणि पालकांनी याबाबतचा व्हिडीओ बनविला आहे.(Baramati News)
मिळालेल्या माहितीनुसार, तरडोली (ता. बारामती) येथील भोईटे वस्तीवरील जिल्हा परिषद प्राथमिक शाळेत भरत चव्हाण ही शिक्षक म्हणून काम करतात. या शाळेत २५ विद्यार्थी शिकत आहेत. गेल्या वर्षभर ग्रामस्थांनी त्यांना सुधारण्याची संधी दिली होती. शिक्षक खुर्चीत बसून टेबलावर डोके ठेवून झोपी गेला होता. दारू प्यायल्याने त्याला शुद्धीत नव्हती. नागरिकांनी सबंधित व्यक्तीने संबंधित घटनेचा व्हिडिओ केला. याची तक्रार वरिष्ठांकडे केली आहे.(Baramati News)
त्यावरून संबंधित शिक्षकाची चौकशी करण्यासाठी समिती नेमण्यात आलेली आहे. शिक्षकाच्या चौकशीचे आदेश देण्यात आले आहेत. शिक्षकाची वैद्यकीय तपासणी करण्यात येणार आहे. तपासणीत जे समोर येईल त्यावर कडक कारवाई होईल, असे शिक्षणाधिकारी गावडे यांनी सांगितले आहे.(Baramati News)
दरम्यान, शाळेतील शिक्षकाचा हा प्रताप पाहून पालकांनी देखील संताप व्यक्त केला आहे. ग्रामीण भागात शिक्षणाच्या सोयी उपलब्ध नसतात. त्यात अनेक नागरिक आर्थिकदृष्ट्या प्रबळ नसतात. त्यामुळे ग्रामीण भागातील मुलांना शिकवणे पालकांसमोर मोठे आव्हान असते. शिक्षणासाठी गावातील प्राथमिक शाळा हाच एकमेव पर्याय पालकांसमोर असतो. मात्र, याच शाळेतील शिक्षकांचे असे प्रताप समोर येत असल्याने पालकदेखील चांगलेच संतापले होते.(Baramati News)
