नवी दिल्ली : सध्या देशातील अर्थविश्वात अनेक घडामोडी घडत आहेत. त्यात व्होडाफोन ग्रुपने मोबाईल टॉवर ऑपरेटर इंडस टॉवर्समधील आपली हिस्सेदारी विकली असून, या विक्रीच्या माध्यमातून कंपनीने 15,300 कोटी रुपये उभारले आहे. आता या पैशांचा वापर कंपनी कर्जाची परतफेड करण्यासाठी करणार असल्याचे सांगण्यात आले.
व्होडाफोन ग्रुपने इंडस टॉवर्सचे 48.5 कोटी शेअर्स 310-341 रुपये प्रति शेअर या दराने विकले आहेत. विक्रीपूर्वी इंडस टॉवर्समध्ये व्होडाफोनचा 21.5 टक्के हिस्सा होता, जो आता 3.5 टक्क्यांपर्यंत कमी करण्यात आला आहे. कंपनीने यापूर्वी आपला 10 टक्के हिस्सा विकण्याची योजना आखली होती. आता व्होडाफोन कंपनीने 18 टक्के हिस्सा ब्लॉक डीलद्वारे विकला आहे. या विक्रीतून समूहाने 1.8 अब्ज डॉलर्स म्हणजे 15,300 कोटी उभारले आहेत.
भारतातील दुसरी सर्वांत मोठी दूरसंचार कंपनी भारती एअरटेलने या व्यवहारात इंडस टॉवर्समधील सुमारे 1 टक्के हिस्सा खरेदी केल्याची माहित दिली जात आहे. गुंतवणूकदारांच्या जोरदार मागणीमुळे कंपनीने विक्रीचा आकार जवळजवळ दुप्पट केला.
