नवी दिल्ली: स्टेट बँक ऑफ इंडियाच्या नेतृत्वाखालील एक कंसोर्टियम टेलिकॉम कंपनी व्होडाफोनला 14000 कोटी रुपयांचे कर्ज देईल. याला कंसोर्टियमने तत्वतः परवानगी दिली आहे. मात्र, याबाबत अद्याप कोणतेही औपचारिक निवेदन जारी करण्यात आलेले नाही. Vodafone Idea ला PNB, बँक ऑफ बडोदा, युनियन बँक आणि इतर सार्वजनिक आणि खाजगी बँकांकडून अनौपचारिक ऑफर मिळाल्या आहेत.
कंसोर्टियम हा अनेक वेगवेगळ्या कंपन्यांचा समूह असतो. येथेही अनेक बँका मिळून व्होडाफोन आयडियाला कर्ज देतील आणि या बँकांचे नेतृत्व एसबीआय करेल. करार निश्चित झाल्यानंतर ही रक्कम व्होडाफोन आयडियाला काही भागांमध्ये दिली जाईल. कंपनीला बाजारातून 25000 कोटी रुपये उभे करायचे आहेत. याशिवाय 10,000 कोटी रुपयांच्या नॉन-फंड आधारित सुविधा उभारण्याचीही योजना आहे.
कंपनी निधीचे काय करणार?
मनीकंट्रोलच्या एका बातमीनुसार, कंपनीकडून उभारण्यात येणारा निधी कर्जाची परतफेड, 5G नेटवर्क वाढवण्यासाठी आणि इतर स्पेक्ट्रमसाठी बोली लावण्यासाठी वापरला जाईल. या संदर्भात कंपनीचे सीईओ अक्षय मुंद्रा म्हणाले की, “आम्ही बँकांशी बोलणी सुरू केली आहेत. आमच्याकडे थोडे भांडवल आहे आणि आम्ही लवकरच बँकांशी करार पूर्ण करू.” उल्लेखनीय आहे की Vi ने आपले कर्ज 40,000 कोटींवरून 4000 कोटी रुपयांवर आणले आहे. कंपनीने या वर्षी एप्रिलमध्ये FPO लाँच केले होते, जे 6 वेळा सबस्क्राइब झाले होते.
SBI देखील निधी उभारेल
स्टेट बँक ऑफ इंडियाने सांगितले आहे की, त्यांच्या बोर्डाने कर्जाद्वारे 3 अब्ज डॉलर्स उभारण्याची परवानगी दिली आहे. भारतीय चलनात 25000 हजार कोटींहून अधिक ही रक्कम असेल. हा निधी अनेक तुकड्यांमध्ये उभा केला जाऊ शकतो. एसबीआयने शेअर बाजाराला दिलेल्या माहितीत म्हटले आहे की, 11 जून रोजी झालेल्या बैठकीत बोर्डाने निर्णय घेतला आहे की, बँक दीर्घ मुदतीसाठी 3 अब्ज डॉलर्सचा निधी उभारण्याच्या मार्गांची तपासणी करेल आणि निर्णय घेईल. हा निधी 2024-25 या आर्थिक वर्षात सार्वजनिक ऑफर किंवा कर्जाद्वारे उभारला जाऊ शकतो. या निधीचे काय करणार हे बँकेने सांगितलेले नाही.
