नवी दिल्ली: अर्थमंत्री निर्मला सीतारामन यांनी 2024-25 च्या सर्वसाधारण अर्थसंकल्पात सर्वसामान्यांना मोठा दिलासा देणारी योजना जाहीर केली आहे. देशातील एक कोटी कुटुंबांना याचा थेट फायदा होणार असल्याचे सांगण्यात येत आहे. याअंतर्गत प्रत्येक घराला दर महिन्याला थेट 300 युनिट मोफत वीज मिळणार आहे. वास्तविक सीतारामन यांनी रूफटॉप सोलर पॅनल योजना जाहीर केली आहे. त्या म्हणाल्या की, पंतप्रधान सूर्यघर मोफत वीज योजना सुरू करण्यात आली आहे.
या अंतर्गत छतावर रुफटॉप सोलर पॅनेल बसवता येतील. एक कोटी घरांना याचा फायदा होणार आहे. या योजनेअंतर्गत त्यांना 300 युनिट वीज मोफत मिळणार आहे. वित्तमंत्री पुढे म्हणाल्या की, एनटीपीसी आणि भेल मिळून 100 मेगावॅटचा व्यावसायिक थर्मल प्लांट स्थापन करतील. या प्लांटमध्ये अत्याधुनिक अल्ट्रा सुपरक्रिटिकल तंत्रज्ञानाचा वापर करण्यात येणार आहे.
यासह अर्थमंत्री निर्मला सीतारामन यांनी जाहीर केले की, ग्रामीण पायाभूत सुविधांसह ग्रामीण विकासासाठी 2.66 लाख कोटी रुपयांची तरतूद करण्यात आली आहे. अर्थमंत्री सीतारामन यांनी लोकसभेतील अर्थसंकल्पीय भाषणात ही घोषणा केली. ग्रामीण आणि शहरी भागात प्रधानमंत्री आवास योजनेंतर्गत तीन कोटी अतिरिक्त घरे बांधण्यात येणार असल्याचेही त्यांनी सांगितले.
