Gold And Silver Rate : सोनं आणि चांदीच्या किमतींमध्ये आज मोठे बदल पाहायला मिळाले आहेत. गेल्या काही दिवसांपासून सुरू असलेल्या घसरणीला अखेर ब्रेक लागला असून, आज किमतीत वाढ होताना दिसत आहे.
गेल्या काही आठवड्यांपासून सोन्याच्या दरात सातत्याने घट होत होती. मात्र, आजच्या दिवशी सोन्याने पुन्हा वाढीचा कल दाखवला आहे. आठवड्याच्या सुरुवातीला सोन्याच्या बाजारात खळबळ उडाली असून, वायदे बाजारात सोन्याच्या किमतीत चढ-उतार पाहायला मिळाले आहेत.
आज वायदे बाजारात सोन्याचा दर 1,20,771 रुपये प्रति 10 ग्रॅम इतका आहे. मागील काही दिवसांत सोन्याच्या किमतीत जवळपास 600 रुपयांची घट झाली होती, परंतु आता दर पुन्हा स्थिरावत असल्याचे संकेत आहेत.
लग्नाचा हंगाम सुरू झाल्याने सराफा बाजारात मागणी वाढू लागली आहे. आज सराफा बाजारात 22 कॅरेट सोन्याची किमत 1,12,910 रुपये प्रति 10 ग्रॅम इतकी आहे, तर 24 कॅरेट सोन्याची किमत 1,23,180 रुपये प्रति 10 ग्रॅम झाली आहे. काही काळापूर्वी सोन्याच्या किमतीत झालेल्या घसरणीमुळे ग्राहकांना थोडा दिलासा मिळाला होता, पण आता पुन्हा वाढीचा ट्रेंड दिसत असल्याने सोने खरेदी करणाऱ्यांसाठी ही चिंता वाढवणारी बाब ठरत आहे.
दिवाळीचा सण संपल्यानंतर आता लग्नसराईला सुरूवात झाली असून, पारंपरिक दागिन्यांची मागणी वाढत आहे. त्यामुळेच सराफा बाजारात आज वाढीचा कल दिसून आला आहे.
चांदीच्या किमतींच्याही बाजारात आज उलटफेर झाला आहे. अनेक दिवस फिकी पडलेली चांदी आज पुन्हा चमकू लागली आहे. एक किलो चांदीची किमत आज 1,54,100 रुपये इतकी झाली असून, दरात वाढ नोंदवली गेली आहे. मागील काही आठवड्यांपासून चांदीचे भाव हजारो रुपयांनी घसरले होते, परंतु आज पुन्हा वाढीचा कल दिसतो आहे.
लग्नाचा हंगाम सुरू असल्याने येत्या काही दिवसांत सोनं आणि चांदीच्या किमती आणखी वाढतील की पुन्हा स्थिर होतील, हे पाहणे उत्सुकतेचे ठरणार आहे. बाजारातील या चढ-उतारामुळे दागिने खरेदीदार आणि गुंतवणूकदार दोघांचेही लक्ष सध्या सोने-चांदीच्या बाजाराकडे आहे.
