पुणे : सध्या सोन्या-चांदीचे दर चांगलेच वाढताना दिसत आहेत. आज भारतात 22 कॅरेट 10 ग्रॅम सोन्याची किंमत 72,920 रुपये आहे. तर मागील दोन दिवसांपूर्वी 72,930 किंमत होती. त्याचवेळी, आज 24 कॅरेट सोन्याचा भाव 79,560 रुपये प्रति 10 ग्रॅमवर गेला आहे. कालच्या तुलनेत आज दरात काही प्रमाणात कपात झाली आहे.
राजधानी दिल्लीत सराफा बाजारात सोमवारी सोन्याच्या दरात मोठी वाढ पाहिला मिळाली. जागतिक बाजारात सोने-चांदीच्या दरात वाढ झाल्यानंतर दिल्ली आणि परिसरात सोने 79,350 या उच्चांकावर गेले आहे. ‘ऑल इंडिया बुलियन असोसिएशन’नुसार, सातत्याने होत असलेल्या वाढीनंतर आता सोन्यासह चांदीच्या दरातही पुन्हा वाढ झाली. चांदीचा भाव 98 हजार रुपये प्रतिकिलोवर गेला आहे.
पुण्यात सध्या 10 ग्रॅम 24 कॅरेट सोन्याचे दर 77,920 रुपये असून, मागील ट्रेंडमध्ये ही किंमत मोठ्या फरकाने वाढल्याचे दिसत आहे. तर 10 ग्रॅम 22 कॅरेट सोन्याचे दर 72,120 रुपये झाला आहे. याशिवाय, चांदीचे दर प्रतिकिलो 98,200 रुपयांवर गेले आहेत.
