Yawat News : यवत, (पुणे) : कॉलेजला जातो असे सांगून घरातून बाहेर पडलेला १८ वर्षीय मुलगा घरी परत न आल्याने बेपत्ता झाल्याची घटना घडली आहे.
माहिती असल्यास पोलीस स्टेशनशी संपर्क करावा..
श्रावण रवि बागडे (वय – १८, रा. यवत, २० फाटा, ता. दौंड) असे बेपत्ता झालेल्या मुलाचे नाव आहे. याप्रकरणी रवि बापु बागडे यांनी यवत पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, श्रावण बागडे हा सकाळी साडे नऊ वाजण्याच्या सुमारास कॉलेजला जातो असे सांगून घरातून निघून गेला. तो घरी परत आला नसल्याने तो बेपत्ता असल्याची माहिती रवि बागडे यांनी यवत पोलिसांना दिली. याबाबत काही माहिती असल्यास पोलीस स्टेशनशी संपर्क करावा असे आवाहन यवत पोलीस स्टेशनचे पोलीस निरीक्षक हेमंत शेडगे यांनी केले आहे. याबाबत पुढील तपास पोलीस हवालदार लोखंडे हे करीत आहे.
