Yavat News : यवत, (पुणे) : लोणी काळभोर, यवतसह आंतरजिल्ह्यातील पोलीस ठाण्याच्या हद्दीत घरफोडी, चोरी, करणाऱ्या एका अट्टल चोरट्याला यवत पोलिसांनी कळाशी (ता. इंदापूर) येथून बेड्या ठोकल्या आहेत. (Yavat News)
अजय संजय आढाव (वय २३ रा. मेदड, आढाव वस्ती ता. माळशिरस जि. सोलापूर) असे अटक करण्यात आलेल्या अट्टल चोरट्याचे नाव आहे.
पोलिसांनी दिलेल्या माहितीनुसार, पुणे सोलापूर महामार्गावरील बोरीपार्धी गावचे हद्दीत चौफुला येथे उड्डाणपूलाचे खाली लोणी काळभोर येथील अभिषेक सूर्यकांत कांबळे यांस अज्ञात तीन व्यक्तींनी मारहाण करून मोटार सायकल व एक मोबाईल फोन असा एकूण १ लाख ७ हजार रुपयांचा मुद्देमाल करून नेल्याची घटना ८ जूनला घडली होती. याबाबत यवत पोलीस ठाण्यात गुन्हा दाखल करण्यात आला होता. (Yavat News)
सदर घटनेचा तपास गुन्हे शोध पथक करीत असताना सदर गुन्ह्यातील आरोपीला कळाशी (ता. इंदापूर) येथून पोलिसांनी ताब्यात घेतले. त्याच्याकडे अधिक चौकशी केली असता सदर गुन्हा त्याचा साथीदार सुरज कुंडलिक जाधव (रा. जाधव वस्ती) व अनिल उर्फ संदीप दिलीप लवटे (रा. मेडद लवटे वस्ती (ता. माळशिरस जि. सोलापूर) यांच्या मदतीने केला असल्याची माहिती पोलिसांना दिली.
दरम्यान, गुन्ह्याच्या अनुशंघाने अजय आढाव याच्याकडे अधिक चौकशी केली असता त्याने दौंड, इंदापूर (पुणे), लोणंद, शिरवळ (सातारा), नातेपुते, सांगोला, माळशिरस (सोलापूर), आटपाडी (सांगली), तसेच लोणी काळभोर पोलीस ठाणे (पुणे शहर) अशा विविध ठिकाणी एकूण ९ गुन्हे केल्याची कबुली पोलिसांना दिली आहे. (Yavat News)
सदराची कामगिरी स्थानिक गुन्हे शाखेचे वरिष्ठ पोलीस निरीक्षक अविनाश शिळीमकर, यवत पोलीस ठाण्याचे वरिष्ठ पोलीस निरीक्षक हेमंत शेडगे, सहाय्यक पोलीस निरीक्षक केशव वाबळे, पोलीस हवालदार निलेश कदम, गुरुनाथ गायकवाड, पोलीस शिपाई मारुती बाराते यांच्या पथकाने केली आहे. (Yavat News)
