राहुलकुमार अवचट
Yavat News : यवत : यवत पोलीस स्टेशन अंतर्गत येणाऱ्या खामगाव गावाच्या हद्दीतील पिंगळे वस्ती येथे दि.१२ रोजी सायंकाळी पाचच्या सुमारास भावकीतील जमिनीच्या वाटपावरून एकाला तिघांनी दमदाटी, शिवीगाळ करून कोयत्याच्या मुठीने व लोखंडी रॉडने मारहाण केल्याची घटना उघडकीस आली आहे. यवत पोलीस स्टेशनच्या हद्दीत हा प्रकार घडला आहे. (In Khamgaon, one was beaten up over land distribution, a case was registered against three)
पिंगळेवस्ती येथील प्रकार
याबाबत अधिक माहिती अशी की, खामगाव हद्दीतील पिंगळे वस्ती येथे राहत असलेल्या सुदाम सर्जेराव पिंगळे यांना जमिनीच्या वाटपावरून घरात घुसून राधू उर्फ तात्यासो विनायक पिंगळे, (Yavat News) मोहन विनायक पिंगळे व कोंडीबा विनायक पिंगळे (सर्व रा.खामगाव, पिंगळे वस्ती, ता.दौंड, जि.पुणे) या तिघांनी दमदाटी, शिवीगाळ करून कोयत्याच्या मुठीने व लोखंडी रॉडने हातावर व डोक्यावर मारहाण केली.
याप्रकरणी सुदाम सर्जेराव पिंगळे यांनी यवत पोलीस स्टेशन येथे फिर्याद दिली असून यावरून तात्यासो विनायक पिंगळे, मोहन विनायक पिंगळे ,कोंडीबा विनायक पिंगळे या तिघांविरुद्ध यवत पोलीस स्टेशन येथे गुन्हा दाखल करण्यात आला आहे. (Yavat News) याबाबत पुढील तपास यवत पोलीस स्टेशनचे पोलीस निरीक्षक हेमंत शेडगे यांच्या मार्गदर्शनाखाली पोलीस नाईक शिंदे हे करीत आहेत.
