शिक्रापूर : सणसवाडी येथील गुरुदत्त इंजीनियरिंग कंपनीमध्ये क्रेनच्या सहाय्याने काम सुरु असताना घडलेल्या अपघातात एका कामगाराचा मृत्यू झाला.
धम्मपाल तुकाराम इंगोले असे मृत्यू झालेल्या कामगाराचे नाव आहे. शिक्रापूर पोलीस स्टेशन मध्ये आकस्मात मृत्यूची नोंद करण्यात आली आहे.
सणसवाडी येथील कंपनीमध्ये इंगोले हे कामाला होते. रविवारी (दि.८) सकाळच्या सुमारास क्रेनमधील डिस्क धम्मपाल यांच्या अंगावर पडली. यावेळी धम्मपाल यांना त्यांच्या सहकाऱ्यांनी उपचारासाठी ग्रामीण रुग्णालयात दाखल केले.
मात्र, उपचारापूर्वीच त्यांचा मृत्यू झाल्याने डॉक्टरांनी घोषित केले.
