Video पुणे : आबेगाव, जुन्नर भागासह इतर भागात बिबट्याचे दर्शन होताना दिसून येत आहे. तसेच मानवी वस्तीमध्ये बिबट्यांचा वावर वाढल्याने नागरिकांमध्ये भितीचे वातावरण दिसून येत आहे. तसेच रात्रीच नव्हे तर दिवसाही घरा बाहेर पडताना देखील नागरिकांमध्ये दहशत आहे. असाच एक व्हिडिओ (Video) सध्या सोशम माध्यमांवर व्हायरल होताना दिसून येत आहे. तसेच हा व्हिडिओ भोसरी येथील असल्याचे बोलले जात आहे.
रस्त्यावर दबा धरुन बसलेल्या बिबट्याचा व्हिडिओ सोशल माध्यमात मोठ्या प्रमाणात व्हायरल होत आहे. या व्हिडिओमध्ये रस्त्याच्या अगदी कडेला एक बिबट्या बसलेला दिसत असून एका चार चाकी वाहनातील व्यक्तीने हा व्हिडिओ आपल्या कॅमेरात कैद केला आहे.
व्हिडिओ सोशल मिडीयावर जोरदार व्हायरल …!
रस्त्याच्या कडेला दबा धरून बसलेल्या बिबट्याचा व्हिडिओ पाहिलाय का ? पहा थरार…! pic.twitter.com/pY9KOeS0mQ
— Pune Prime News (@puneprime_news) April 20, 2023
बिबट्या अतिशय धोकादायक पद्धतीने रस्त्याच्या कडेला बसलेला असताना दुचाकी वरून चालणाऱ्या वाहन चालकांना जीव मुठीत धरुन प्रवास करावा लागत असल्याचे पाहायला मिळत आहे. हा बिबट्या पाहून काही दुचाकी चालक आल्या रस्त्याने परत माघारी जात असल्याचे व्हिडिओमध्ये दिसत आहे. सध्या हा व्हिडिओ सोशल माध्यमांमध्ये मोठ्या प्रमाणात व्हायरल होत असून हा व्हिडिओ भोसरी येथील आहे, असे बोलले जात आहे.
व्हिडिओ बघून कोणाच्याही अंगावर काटे आल्याशिवाय राहणार नाहीत. नेमका व्हिडिओ कोठला आहे. हे सत्य समोर येईलच, परंतू आपणही प्रवास करताना काळजी घ्यावी. असे आवाहन पुणे प्राईम न्यूजच्या वतीने आपणास करण्यात येत आहे.
