Uruli Kanchan Breaking : उरुळी कांचन, (पुणे) : विद्युत रोहित्रावर (डीपी) दुरुस्तीचे काम करत असताना एका महावितरणच्या वायरमनला विजेचा तीव्र धक्का लागल्याची खळबळजनक घटना घडली आहे. शॉक लागल्यामुळे वायरमन सुमारे 15 ते 20 फुटांच्या उंचीवरून थेट जमिनीवर कोसळले असून ते गंभीर जखमी झाल्याची माहिती मिळत आहे. शिंदवणे (ता. हवेली) ग्रामपंचायत हद्दीतील काळेशिवार परिसरात आज शनिवारी (ता. 16) सायंकाळी सव्वा चार वाजण्याच्या सुमारास हि घटना घडली. Uruli Kanchan Breaking
मिळालेल्या माहितीनुसार, संजय भोसले असे जखमी झालेल्या वायरमनचे नाव आहे. शनिवारी सायंकाळी सव्वा चार वाजण्याच्या सुमारास काळेशिवार परिसरात विद्युत पुरवठा खंडित किंवा तांत्रिक बिघाड झाल्याने भोसले हे दुरुस्तीसाठी विद्युत रोहित्रावर चढले होते. मात्र, काम करत असताना अचानक त्यांचा विद्युत वाहिनीशी संपर्क आला आणि त्यांना जोराचा शॉक लागला असल्याची माहिती मिळत आहे. Uruli Kanchan Breaking
विजेचा धक्का लागताच संजय भोसले यांचा ताबा सुटला आणि ते 15 ते 20 फुटांवरून थेट खाली जमिनीवर कोसळले. या गंभीर अपघातात त्यांच्या पाठीला गंभीर दुखापत झाली असल्याची माहिती मिळत आहे. घटना घडताच स्थानिक नागरिकांनी तातडीने ‘कस्तुरी’ रुग्णवाहिकेशी संपर्क साधून तातडीने चालक संतोष झोंबाडे व ग्रामस्थांच्या मदतीने जखमी संजय भोसले यांना उरुळी कांचन येथील खाजगी रुग्णालयात दाखल केले. त्यांच्यावर सध्या उपचार सुरू असल्याची माहिती मिळत आहे. Uruli Kanchan Breaking
दरम्यान, महावितरणच्या कर्मचाऱ्यांच्या सुरक्षेचा प्रश्न या निमित्ताने पुन्हा एकदा ऐरणीवर आला असून, काम करताना वीज पुरवठा (शटडाऊन) पूर्णपणे बंद केला होता की नाही, याची चौकशी आता केली जात आहे. Uruli Kanchan Breaking
