Uruli kanchan उरुळी कांचन, (पुणे) : जेजुरी-उरुळी कांचन रस्त्यावरील शिंदवणे गावच्या हद्दीत बुधवारी (दि. ६) रात्री आठच्या सुमारास दोन दुचाकींचा अपघात झाला. हॉटेल नीलराजसमोर झालेल्या या अपघातात एका मद्यधुंद दुचाकीस्वाराने दुसऱ्या दुचाकीला जोरदार धडक दिली. या अपघातातून ५ महिन्यांचे बाळ आणि २ वर्षांच्या चिमुरड्याला वाचवण्यात स्थानिक तरुणांना यश आले असून, त्यांच्या तत्परतेचे सर्वत्र कौतुक होत आहे. Uruli kanchan
View this post on Instagram
मिळालेल्या माहितीनुसार, बुधवारी रात्री आठ वाजण्याच्या सुमारास हॉटेल नीलराज परिसराजवळून जात असताना दोन दुचाकींची धडक झाली. एका दुचाकीवरील चालक मद्यधुंद अवस्थेत होता, त्याचे वाहनावरील नियंत्रण सुटल्याने त्यानेएका परप्रांतीय दुचाकीवरून निघालेल्या एका कुटुंबिय निघालेलया दुचाकीला पाठीमागून जोरदार धडक दिली. ही धडक एवढी जोरात होती की दुचाकीवरील प्रवासी रस्त्यावर फेकले गेले. तर मद्यधुंद चालक हा रस्त्याच्या कडेला असलेल्या शेतात जाऊन पडला. Uruli kanchan
अपघाताचा आवाज ऐकताच हॉटेल नीलराजचे मालक मंगेश काळभोर यांच्यासह स्थानिक नागरिक ओंकार बाळकृष्ण कांचन, प्रसन्न भोर आणि दिलीप दामोदर कांचन यांनी कसलाही विचार न करता घटनास्थळाकडे धाव घेतली. अपघातात जखमी झालेल्यांना बाजूला करत त्यांनी सर्वात आधी दोन लहान मुलांना सुरक्षितपणे बाहेर काढले. यामध्ये ५ महिन्यांचे बाळ आणि २ वर्षांच्या मुलाचा समावेश होता. या घटनेत या चिमुरड्यांना कोणतीही गंभीर इजा झाली नाही. Uruli kanchan
मद्यपान करून वाहन चालवल्यामुळे निष्पाप कुटुंबाचा जीव धोक्यात आला होता. रात्रीच्या वेळी या रस्त्यावर वाहनांची मोठी वर्दळ असते, त्यातच अशा बेजबाबदार चालकांमुळे अपघातांचे प्रमाण वाढत असल्याच्या भावना नागरिकांनी व्यक्त केल्या आहेत.
