Yavat Auction यवत, ता. ७ : यवत पोलीस स्टेशनच्या हद्दीत अनेक वर्षांपासून बेवारस अवस्थेत पडून असलेल्या वाहनांचा अखेर जाहीर लिलाव करण्यात आला. बुधवारी (दि. ६ मे) सकाळी ११ वाजता पाटस पोलीस दूरक्षेत्र येथे पार पडलेल्या या लिलाव प्रक्रियेत तब्बल ३०९ बेवारस वाहनांचा समावेश होता. Yavat Auction
या वाहनांमध्ये २९३ मोटारसायकली तसेच १६ तीनचाकी व चारचाकी वाहनांचा समावेश होता. अनेक वर्षांपासून पोलीस ठाण्याच्या परिसरात पडून असलेल्या या वाहनांच्या लिलावासाठी यवत पोलिसांनी पूर्वसूचना देत आवाहन केले होते. त्यास उत्स्फूर्त प्रतिसाद मिळत तब्बल ३१ भंगार व्यावसायिक आणि स्क्रॅप डिलर सहभागी झाले. Yavat Auction
या लिलाव प्रक्रियेत वाखारी येथील पूना सेल्स कॉर्पोरेशनचे फिरोज शेख यांनी ९ लाख ३५ हजार रुपयांची सर्वोच्च बोली लावत लिलाव जिंकला. लिलाव प्रक्रियेदरम्यान महसूल विभाग दौंडचे मंडल अधिकारी खाडे, उपप्रादेशिक परिवहन विभाग बारामतीचे रजत कणवाटे, भंगार व्यावसायिक तसेच पत्रकार उपस्थित होते. Yavat Auction
संपूर्ण लिलाव प्रक्रिया पुणे ग्रामीणचे पोलीस अधीक्षक संदीप सिंह गिल, बारामती विभागाचे अप्पर पोलीस अधीक्षक गणेश बिरादार, दौंड उपविभागीय पोलीस अधिकारी बापूराव दडस आणि यवत पोलीस स्टेशनचे पोलीस निरीक्षक नारायण देशमुख यांच्या मार्गदर्शनाखाली पार पडली. पोलीस उपनिरीक्षक विजय कोल्हे, मुद्देमाल कारकून पोलीस हवालदार सचिन साळुंखे, संतोष खरटमल आणि रवींद्र मोहिते यांनी नियोजन व कामकाजाची जबाबदारी सांभाळली. या कारवाईमुळे पोलीस ठाण्याच्या आवारातील जागा मोकळी होण्यास मदत झाली असून, प्रशासनाच्या पारदर्शक कार्यपद्धतीचे कौतुक केले जात आहे. Yavat Auction
