Uruli Kanchan News | उरुळी कांचन : अज्ञात चोरट्यांनी सुरक्षा रक्षकाच्या डोक्याला पिस्तूल लावून चोरट्यांनी कार चोरून नेल्याचा धक्कादायक प्रकार उरुळी कांचन जवळली सोरतापवाडी येथून समोर आला आहे. येथील शिव मोटर्स कार बजारात आज पहाटे साडेचार वाजता चोरीचा हा प्रकार घडला आहे.
याप्रकरणी शिव मोटर्स चे मालक महादेव विठ्ठल झरांडे (वय-२५) यांनी उरुळी कांचन पोलीस ठाण्यात फिर्याद दिली आहे. त्यानंतर तत्काळ पोलीसांनी घटनास्थळी धाव घेत तपास सुरु केला आहे. चोरट्यांनी अंदाजे 4 लाख रुपये किंमतीची स्विफ्ट डिझायर गाडी नं. MH12-HZ-3737 कार चोरून नेली आहे. अज्ञात चोरट्यांच्या विरोधात पोलीसांनी गुन्हा दाखल करून घेतला आहे.
सुरक्षा रक्षकाच्या डोक्याला पिस्तूल…
मिळालेल्या माहितीनुसार, फिर्यादी झरांडे यांचे सोरतापवाडी येथे कारबाजारात शिव मोटर्स हे कार खरेदी विक्रीचे दुकान आहे. आज रविवार १४ मे रोजी पहाटे साडेचार वाजता या कारबाजारात तीन अज्ञात चोरटे आले.दरम्यान धारदार हत्यारे व बंदूक जवळ असलेल्या चोरट्यांनी काराबाजारात असलेल्या निवृत्ती देवके (वय-४५) या सुरक्षा रक्षकाच्या डोक्याला पिस्तूल लावली व स्विफ्ट डिझायर गाडी चोरून नेली. पुढील तपास पोलीस करत आहेत.
एक वर्षापूर्वी याच ठिकाणावरून एक चारचाकी चोरीला…
दरम्यान, मागील एक वर्षापूर्वी याच ठिकाणावरून एक मारुती सुझुकी या कंपनीची इर्टिगा हि चारचाकी चोरीला गेली होती.याप्रकरणी लोणी काळभोर पोलीस ठाण्यात गुन्हा दाखल करण्यात आला होता. मात्र तिचाही अद्याप शोध लागला नाही. त्यामुळे परिसरात घबराटीचे वातावरण पसरले असून चोरी गेलेल्या गाड्यांचा शोध कधी लागणार असा प्रश्न नागरिक विचारू लागलेआहेत.
