Uruli Kanchan : उरुळी कांचन, (पुणे) : चारित्र्याचा संशय घेऊन आणि “तुला दोन मुलीच आहेत, मुलगा होत नाही,” या कारणावरून एका नराधम पतीने आपल्या 24 वर्षीय पत्नीला लाथाबुक्क्यांनी बेदम मारहाण करत तिच्या गुप्तांगावर ॲसिड ओतल्याची धक्कादायक व संतापजनक घटना घडली आहे. Uruli Kanchan
उरुळी कांचन (ता. हवेली) हद्दीत 20 एप्रिल 2026 रोजी हि घटना घडली. या अमानुष कृत्यानंतर आरोपीने पीडितेला दवाखान्यात उपचारासाठी न घेऊन जाता 15 दिवस घरात कोंडून ठेवल्याचेही उघडकीस आले असून याप्रकरणी आरोपीच्या पत्नीने उरुळी कांचन पोलीस ठाण्यात फिर्याद दिली आहे. त्यानुसार शुक्रवारी (ता. 15) उरुळी कांचन पोलीस ठाण्यात आरोपी पतीविरुद्ध गुन्हा दाखल करण्यात आला आहे. Uruli Kanchan
पोलिसांनी दिलेल्या माहितीनुसार, 20 एप्रिलला सायंकाळी सात वाजण्याच्या सुमारास फिर्यादीचे पती हे दारू पिऊन घरी आले. “तू कामावर जातेस, तुझे कोणाशी अनैतिक संबंध आहेत ते सांग,” असे म्हणत त्यांनी पत्नीला मारहाण सुरू केली. मारहाण सुरू असताना नराधम पती एवढ्यावरच थांबला नाही, तर “तुला मुलगा होत नाही, तुझी अवघड जागाच जाळून टाकतो,” अशी धमकी त्याने दिली. Uruli Kanchan
त्यानंतर पोटमाळ्यावरून टॉयलेट साफ करण्याची ॲसिडची बाटली काढून त्याने पत्नी यांना जोरात खाली ढकलले आणि त्यांच्या गुप्तांगावर थेट ॲसिड ओतले. पीडितेने जीवाच्या आकांताने ओरडत बाहेर पळण्याचा प्रयत्न केला, मात्र आरोपीने दरवाजा आतून लावून पुन्हा लाथाबुक्क्यांनी मारहाण केली. शेजारी राहणाऱ्या जावेने पीडितेच्या सासू-सासऱ्यांना फोन करून बोलावले, तेव्हा “कोणाला काही सांगितले तर जिवे मारीन,” अशी धमकी देत पती घरातून पळून गेला. Uruli Kanchan
अतिशय गंभीर अवस्थेत असतानाही नराधम पतीने “माझ्याकडे पैसे नाहीत,” असे म्हणून फिर्यादी यांना रुग्णालयात नेण्यास नकार दिला आणि 15 दिवस माहेरी किंवा कुठेही जाऊ न देता घरातच डांबून ठेवले. अखेर शनिवारी (ता. 09 मे) रोजी पती कामावर गेल्यानंतर फिर्यादी यांनी दोन्ही मुलींना सोबत घेतले आणि आपले माहेर गाठले. माहेरी सर्व प्रकार सांगितल्यानंतर नातेवाईकांनी त्यांना उरुळी कांचन पोलीस ठाण्यात आणले. Uruli Kanchan
दरम्यान, पोलिसांनी तातडीने त्यांना वैद्यकीय तपासणीसाठी पुणे येथील ससून रुग्णालयात पाठवले, जिथे उपचार घेतल्यानंतर शुक्रवारी (ता. 15) हा गुन्हा नोंदवण्यात आला आहे. उरुळी कांचन पोलिसांनी पीडितेच्या तक्रारीवरून नराधम पतीविरुद्ध भारतीय न्याय संहिता (BNS) 2023 कलम कलम १२४(१), कलम ११५(२), ३५१(२) व ३५२ नुसार गुन्हा दाखल केला. पोलीस उपनिरीक्षक प्रवीण कांबळे या प्रकरणाचा पुढील तपास करत आहेत. Uruli Kanchan
