हडपसर : पीएमपी बसमधून चाललेल्या ज्येष्ठ महिलेच्या गळ्यातील दागिने अज्ञात चोरट्यांनी हिसकावून नेल्याची धक्कादायक घटना हडपसर भाजी मंडईच्या परिसरातील थांब्यावर घडली आहे.
याप्रकरणी एका ७४ वर्षीय ज्येष्ठ महिलेने हडपसर पोलीस ठाण्यात फिर्याद दिली आहे. त्यानुसार अज्ञात चोरट्याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, ज्येष्ठ महिला या हडपसर भाजी मंडई परिसरातील थांब्यावर पीएमपी बसमध्ये प्रवेश करत होत्या. त्या वेळी बसमध्ये गर्दी होती. बसमध्ये प्रवेश करणाऱ्या ज्येष्ठ महिलेच्या गळ्यातील ३५ हजारांचे मंगळसूत्र हिसकावून चोरटे पसार झाले.
