लोणी काळभोर, ता. ५ : केसनंद – थेऊर मार्गावर रविवारी (ता.३) दुपारी घडलेल्या भीषण अपघाताने थेऊर परिसर हादरला. भरधाव वेगाने येणाऱ्या पेट्रोल टँकरने समोरून येणाऱ्या कारला जोरदार धडक दिल्याने कारमधील महिला आणि सहा वर्षांचा चिमुकला गंभीर जखमी झाले. या अपघातामुळे काही काळ परिसरात भीतीचे आणि तणावाचे वातावरण निर्माण झाले होते. लोणी काळभोर पोलीस ठाण्यात पेट्रोल टँकर चालकावर गुन्हा दाखल करण्यात आला आहे. Theur News
शितल अमोनीश शेळके (वय ३५) आणि मल्हार अमोनीश शेळके (वय ६) अशी जखमी झालेल्यांची नावे आहेत. पोलिसांनी दिलेल्या माहितीनुसार, प्रवीण शांताराम बरबडे (वय ३५, रा. सावेडी, जि. अहिल्यानगर) हे मारुती स्विफ्ट डिझायर (क्र. एमएच १६ डीएस १४६३) कारने अहिल्यानगरहून पुण्याकडे प्रवास करत होते. त्यांच्या सोबत शितल शेळके आणि मल्हार शेळके हे प्रवासी होते. Theur News
थेऊर गावाजवळील स्मशानभूमीसमोरील वळणावर समोरून येणाऱ्या पेट्रोल टँकरने (क्र. एमएच ४३ सीई ३१५७) वेगात वळण घेत कारला समोरील बाजूने दुपारी सुमारे १.४५ वाजण्याच्या सुमारास जबर धडक दिली. धडक इतकी भीषण होती की, कारचा पुढील भाग अक्षरशः चेंबून गेला. अपघातात शितल शेळके यांच्या डोक्याला गंभीर दुखापत होऊन मोठ्या प्रमाणात रक्तस्त्राव झाला, तर त्यांच्या मांडीवर बसलेल्या मल्हारच्या पायाला जबर मार बसून फ्रॅक्चर झाले. चालक प्रवीण बरबडे यांनाही खांद्याला किरकोळ दुखापत झाली आहे. Theur News
अपघातानंतर घटनास्थळी नागरिकांची मोठी गर्दी झाली. काही काळ वाहतूक ठप्प झाली होती. स्थानिक नागरिकांनी प्रसंगावधान दाखवत तातडीने जखमींना बाहेर काढले आणि खाजगी वाहनातून विश्वराज हॉस्पिटलमध्ये उपचारासाठी दाखल केले. जखमींवर उपचार सुरू असून त्यांची प्रकृती चिंताजनक असल्याची माहिती समोर येत आहे. Theur News
या अपघातात कारचे मोठ्या प्रमाणात नुकसान झाले असून पुढील काच फुटणे, टायर फुटणे, दरवाजा वाकणे, रेडिएटर फुटणे आणि एअरबॅग उघडणे असे नुकसान झाले आहे. अपघाताचे कारण टँकर चालकाची बेफिकीर आणि निष्काळजी ड्रायव्हिंग असल्याचा आरोप करण्यात आला आहे. या प्रकरणी संबंधित टँकर चालकाविरोधात लोणी काळभोर पोलिस ठाण्यात तक्रार दाखल करण्यात आली असून, पोलिसांकडून पुढील तपास सुरू आहे. Theur News
