इंदापूर : दीपक खिलारे
Indapur Crime : इंदापूर, (पुणे) : वालचंदनगर पोलीस (Walchandnagar police) ठाण्याच्या हद्दीत गंभीर (serious crime) गुन्ह्यातील फरार (fugitive accused) असलेल्या आरोपीच्या वालचंदनगर पोलिसांनी मुसक्या आवळल्या (Smiles spread)आहेत.
सुरज दादासो वाघमोडे (रा. कळंबोली ता. माळशिरस जि. सोलापुर) असे आरोपीचे नाव आहे.
पोलिसांनी दिलेल्या माहितीनुसार, आरोपी हा कळंबोली परिसरात लपुन बसल्याची माहीती मिळताच वालचंदनगर पोलीस स्टेशनचे प्रभारी अधिकारी विक्रम साळुंखे यांनी सहायक फौजदार शिवाजी निकम व पोलीस हवालदार शैलेश स्वामी यांना तात्काळ सदर ठिकाणी जावुन आरोपी सुरज दादासो वाघमोडे याला ताब्यात घेण्याचे आदेश दिले. त्याप्रमाणे वालचंदनगर पोलीस स्टेशन पथकाने सदर ठिकाणी जाऊन सुरज वाघामोडे याला ताब्यात घेतले.
आरोपी सुरज वाघमोडे हा बऱ्याच दिवसा पासून फरार होता. वेळोवेळी पोलीसांना गुंगारा देवुन तो पळ काढत होता. आरोपी सुरज व त्याच्या साथीदारांनी वालचंदनगर- कळंब परिसरात पिस्तुल मधुन फायर करून जिवे मारण्याचा प्रयत्न केल्याबाबत वालचंदनगर पोलीस ठाण्यात गुन्हा दाखल होता. गुन्हा दाखल असल्यापासुन सुरज वाघमोडे हा फरारी होता. शेवटी सुरज वाघमोडे यास पकडण्यात वालचंदनगर पोलीसांना यश मिळाले.
सदरची कामगिरी पुणे ग्रामीणचे पोलीस अधिक्षक अंकित गोयल, अप्पर पोलीस अधिक्षक आनंद भोईटे, उपविभागीय पोलीस अधिकारी गणेश इंगळे यांच्या मार्गदर्शनाखाली वालचंदनगरचे प्रभारी अधिकारी विक्रम साळुंखे, सहायक फौजदार शिवाजी निकम, पोलीस हवालदार शैलेश स्वामी, पोलीस मित्र रूपीकेश ननवरे, समीर शेख, प्रज्वल गायकवाड यांनी केली.
