लहू चव्हाण
पाचगणी : वाई – पाचगणी रस्त्यावर दांडेघर, (ता. महाबळेश्वर) गावाच्या हद्दीत रस्त्यात गाडी नंबर (एम एच ०२ डब्लयु ६९९७ डस्टर) या गाडीने अचानक पेट घेतला. यामध्ये मुंबईवरून फिरण्यास कुटुंब आले होते. गाडीने पेट घेताच यातील चारही व्यक्ती गाडीतून बाहेर पडले. यामध्ये कोणतीही जीवित हानी झाली नाही. घटनेची माहिती मिळताच पोलीस घटनास्थळी दाखल झाले. आगीचे कारण समजू शकले नाही. मात्र शॉर्ट सर्किटमुळे आग लागल्याची माहिती आहे.
वाई – महाबळेश्वर रस्त्यावर दांडेघर गावाच्या हद्दीत मुख्य रस्त्यावर दुपारी २:३० च्या दरम्यान मुंबईवरून पर्यटक वाहन (एम एच ०२ डब्लयु ६९९७) गाडीने पेट घेताच गाडीतील चारीही व्यक्ती बाहेर आल्या. आगीमुळे रस्त्यावर आगीचा आगडोंब उसळला होता.
या घटनेची माहिती पोलिसांना मिळताच पांचगणी पोलिस घटनास्थळी दाखल झाले. त्यांच्या सोबत एसओएस टीम सदस्य उपस्थित होते. त्याच बरोबर पाचगणी नगरपरिषदेचे अग्नीशमन दलाची गाडी घटनास्थळी तात्काळ दाखल झाली. यामध्ये कोणतीही जीवित हानी झाली नाही.
या आगीच्या घटनेमुळे दोन्ही बाजूला वाहनाच्या चार किलोमीटर अंतरापर्यंत लांबच लांब रांगा लागल्या होत्या. घटनास्थळी त्वरित पांचगणी नगरपरिषदेचे अग्नीशमन दल दाखल झाल्याने आगीवर त्वरित नियंत्रण मिळवले. तरी अर्धवट गाडी जाळून खाक झाली आहे. गाडीमध्ये असलेल्या चारही व्यक्ती सुदैवाने बचावल्या आहेत.
