शिरूर : ‘‘चोर पकडा”, ”चोर पकडा” म्हणून ओरडणारा तक्रारदार मालकच चोर निघाल्याची धक्कादायक घटना रांजणगाव (ता. शिरूर) परिसरात आढळून आली आहे. याप्रकरणी रांजणगाव एमआयडीसी पोलिसांनी चोरट्याला अटक केली आहे.
निळकंठ काळेसह त्याचे साथीदार नाना गाढवे, मंदार चौधरी, सुरज पवार या आरोपींना अटक केली आहे.
पोलिसांनी दिलेल्या माहितीनुसार, रांजणगाव एमआयडीसी पोलिस ठाण्याच्या हद्दीतुन अज्ञात व्यक्तीने डंपर चोरी केल्याची तक्रार निळकंठ काळे यांनी दिली होती. त्या अनुषंगाने पोलिसांनी सीसीटीव्ही फुटेज व तांत्रिक मदतीच्या आधारे तपास केला. मात्र पोलिस तपासात धक्कादायक बाब उघड झाली. तक्रारदार चोर निघाला आहे. रांजणगाव एमआयडीसी एमआयडीसी पोलिसांनी चार जणांना अटक केली आहे.
दरम्यान, हल्ली चोरीच्या घटनाही खूप जास्त वाढलेल्या दिसत आहेत. राज्यात अनेक भागात अशा घटना घडताना दिसतात. त्यामुळे सध्या समाजात फार भितीचे वातावरण निर्माण होत आहे. त्यामुळे सध्या अशा घटनांना आळा घालणं अत्यंत गरजेचे झालं आहे. सध्या अशीच एक घटना पुण्यात घडलेली दिसली आहे. या घटनेमुळे सध्या सगळ्यांना धक्का बसला आहे. खरंतर हल्ली कोणावर विश्वास ठेवायचा आणि कोणावर नाही अशी परिस्थिती सगळ्यांची निर्माण होते.
