पुणे : वाघोली- राहु रस्त्यावरील न्हावी सांडस (ता. हवेली) ग्रामपंचायत हद्दीतील रस्त्याच्या एका बाजीला तरुणाचा मृतदेह नुकताच आढळून आला आहे. यांमुळे न्हावी सांडस परिसरात एकच खळबळ उडाली आहे.
संदीप भाऊसाहेब बिडवे (वय-३५) असे मृत्यू झालेल्या तरुणाचे नाव आहे.
मिळालेल्या माहितीनिसार, स्थानिक नागरिकांना न्हावी सांडस (ता. हवेली) ग्रामपंचायत हद्दीतील रस्त्याच्या एका बाजीला तरुणाचा मृतदेह आढळून आला. नागरिकांनी याची त्वरित माहिती लोणीकंद पोलिसांना दिली. सदर घटनेची माहिती मिळताच, लोणी कंद पोलीस तातडीने घटनास्थळी दाखल झाले.
लोणीकंद पोलिसांना मृतदेह ताब्यात घेतल्यानंतर शवविच्छेदनासाठी ससून रुग्णालयात पाठविला आहे. मृत्यूचे कारण शवविच्छेदना नंतर कळेल. मात्र प्राथमिक स्वरूपात अपघातामुळे मृत्यू झाल्याचा अंदाज असल्याचे लोणीकंद पोलीस ठाण्याचे वरिष्ठ पोलीस निरीक्षक गजानन पवार यांनी व्यक्त केला आहे.
