शिक्रापुर : शिरुर -न्हावरा रस्त्यावर एका ट्रक्टरने महिंद्रा पिकअपला जोरदार धडक दिल्याची घटना करडे (ता. शिरूर) ग्रामपंचायत हद्दीतील हद्दीत आय. एफ. बी. कंपनी पासुन दीड किलोमीटर अंतरावर मंगळवारी (ता.३१) रात्री नऊ वाजण्याच्या सुमारास घडली आहे. या अपघातात शिक्रापुरातील एका कामगाराचा मृत्यू झाला आहे. तर १ जण गंभीर जखमी आहे.
ताराचंद ज्ञानदेव वहिल (वय ४२, सध्या रा. शिक्रापुर ता. शिरुर, जि. पुणे, मुळ रा. मिरजगाव ता. कर्जत, जि. अहमदनगर) असे मृत्यू झालेल्याचे नाव आहे. याप्रकरणी अशोक राऊत यांनी शिक्रापूर पोलीस ठाण्यात फिर्याद दिली आहे. त्यानुसार अज्ञात चालकाच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, मंगळवारी (ता.३१) रात्री नऊ वाजण्याच्या सुमारास ट्रॅक्टर (क्र. एम.एच. ४२ वाय ३६४८) वरील अज्ञात चालकाने महिंद्रा पिकअप टेम्पोला (क्र.एम.एच. १४ सी. पी. ९३७२) जोरदार धडक दिली. या अपघातात ताराचंद वहिल गंभीर जखमी होऊन त्यांचा मृत्यू झाला.
दरम्यान, याप्रकरणी अशोक राऊत यांनी शिक्रापूर पोलीस ठाण्यात फिर्याद दिली आहे. त्यानुसार अज्ञात चालकाच्या विरोधात गुन्हा दाखल करण्यात आला आहे. अपघात झाल्यानंतर चालक फरार झाला आहे. पोलीस आरोपीच्या मागावर आहेत. पुढील तपास शिक्रापूर पोलीस करीत आहेत
