Suicide | पुणे : पोलीस कोठडीत चोरीच्या गुन्ह्यात अटक केलेल्या आरोपीने गळफास घेऊन आत्महत्या केल्याचा धक्कादायक प्रकार उघडकीस आला आहे.विश्रामबाग पोलीस ठाण्याच्या अंतर्गत असलेल्या कोठडीत हा प्रकार सकाळी ६ वाजता उघडकीस आला.
शिवाजी उत्तम गरड असे आत्महत्या केलेल्या आरोपीचे नाव आहे.
वाहनचोरीच्या गुन्ह्यात अटक…
शिवाजी गरड याला वाहनचोरीच्या गुन्ह्यात गुन्हे शाखेच्या युनिट ६ ने त्याला १२ मे रोजी अटक केली होती. तपासानंतर त्याला काल रात्री विश्रामबाग पोलीस कोठडीत ठेवण्यात आले होते. आरोपीला झोपण्यासाठी दिलेल्या चादरीचा काठ फाडून त्यांची लांब दोरी तयार केली. सकाळी तो बाथरुममध्ये गेला. तेथील जाळीला त्याने गळफास घेऊन आत्महत्या केली. बराच वेळाने त्याने आत्महत्या केल्याचे आढळून आले.
विश्रामबाग पोलीस कोठडीच्या मुख्य पॅसेजमध्ये तसेच आतमध्ये सीसीटीव्ही लावण्यात आले आहेत. मात्र, बाथरुममध्ये कॅमेरे नाहीत.पोलीस कोठडीत आरोपीचा मृत्यु झाला असल्यास त्याचा तपास गुन्हे अन्वेषण विभाग सीआयडीकडे जातो. त्याप्रमाणे या घटनेची माहिती सीआयडीला देण्यात आली आहे.
तसेच अशा घटनेतील आरोपीच्या मृतदेहाचे शवविच्छेदन तहसीलदारांच्या उपस्थितीत, व्हिडिओ शुटिंग करुन केले जाते. त्यानुसार शवविच्छेदन करण्यात येणार आहे.
अधिक बातम्या वाचण्यासाठी येथे क्लिक करा….!
Suicide | खळबळजनक ! पुण्यात विद्यार्थ्याने अभ्यासिकेतील पंख्याला गळफास लावून केली आत्महत्या
Suicide | शिरुरमध्ये महिलेची गळफास घेऊन आत्महत्या ; कारण अस्पष्ट
Sucide News : पत्नीसह तिच्या 3 मित्रांच्या त्रासाला कंटाळून पतीने केली आत्महत्या ; एकास अटक
