मुंबई : मुंबई- अहमदाबाद राष्ट्रीय महामार्गावर मेंढवन घाटात भीषण अपघात झाला आहे.गुजरातहून मुंबईकडे येणाऱ्या भरधाव डस्टर कारने मागून कंटेनरला जोरदार धडक दिल्याने तिघांचा जागीच मृत्यू झाला असून, तर तीन जखमी आहेत.
याबाबत मिळालेल्या माहितीनुसार, मृतांमध्ये दोन महिला आणि एका पुरुषाचा समावेश आहे.तर जखमींमध्ये एका चिमुकल्या मुलाचा समावेश आहे. अपघात इतका भयानक होता की,डस्टर कार चक्काचूर झाली.पोलीस आणि बचाव कर्मचारी घटनास्थळी पोहोचले असून, जखमींना तातडीने रुग्णालयात दाखल करण्यात आले आहे. अधिक तपास सुरू आहे. दरम्यान या दुर्घटनेत मृतांच्या संख्येत वाढ होण्याची शक्यता व्यक्त केली जात आहे. या घटनेची नोंद पालघरच्या मनोर पोलीस ठाणे हद्दीत झाली आहे.अपघात झाल्याचे कळताच घटनास्थळी पोलीस पोहोचले असून पंचनामा सुरु केला आहे.
दरम्यान अपघाताची माहिती मिळताच पोलिसांनी जखमींना तात्काळ रुग्णालयात दाखल केले आहे. जखमींची प्रकृती चिंताजनक आहे. या अपघातानंतर महामार्गावर मोठी वाहतूक कोंडी झाली. ग्लोरिया वैलस (73 वर्ष -महिला ), कॅलेटन वैलस (43 वर्ष – पुरुष ),फेबियोलो वैलस(45 वर्ष – महिला ) अशी अपघातात मृत्यू झालेल्यांची नावे आहेत..
