Solapur News : सोलापूर : नववीतील मुलाला त्याच्या मित्रानेच जीवे ठार मारण्याची धमकी देऊन त्याच्याकडून वेळोवेळी दहा लाख रूपये घेतल्याप्रकरणी दोघांवर गुन्हा दाखल झाला आहे. याबाबत इरावती सिडगिद्दी (वय ३८, रा. जोडभावी पेठ) यांनी दिलेल्या फिर्यादीवरून दहावीतील मुलासह त्याच्या दाजीवर देखील गुन्हा दाखल झाला आहे.
सोलापुरातील प्रकार; गुन्हा दाखल!
फिर्यादी इरावती सिडगिद्दी या पेशाने शिक्षिका आहेत. शहरातील एका नावाजलेल्या शाळेत त्यांचा मुलगा नववीचे शिक्षण घेत आहे. त्याची मैत्री त्याच शाळेत शिकणाऱ्या एका दहावीतील मुलाशी झाली. दरम्यान, फिर्यादीच्या मुलाने आपल्या घरातील कपाटात ठेवलेले पैसे घेऊन या नव्याने ओळख झालेल्या मित्रासोबत खर्च केले. (Solapur News) यावरून या मुलाकडे पैसे असल्याचा अंदाज दहावीतील मित्राने बांधला आणि त्याच्याकडून काही पैसे उसने मागितले. मित्रावर विश्वास असल्याने त्याने घरातील कपाटातील पैसे चोरी करून, उसने म्हणून दिले. मित्राने चलाखीने उसने घेतलेले पैसे परत करून विश्वास संपादन केला.
नात्यात विश्वास आल्यानंतर त्याने पुन्हा उसन्या पैशांची मागणी केली. अशाच प्रकारे पैशांची मागणी केल्यानंतर फिर्यादीच्या मुलाने पैसे देण्यास नकार दिला. त्यामुळ संतप्त झालेल्या मित्राने त्याच्या आई वडिलांना जीवे ठार मारण्याची धमकी देऊन त्याच्याकडून वेळोवेळी १० लाख रुपये घेतले. (Solapur News) अशा आशयाची फिर्याद सिडगिद्दी यांनी दिली आहे. या फिर्यादीवरून दहावीतील मुलासह दोघांवर गुन्हा दाखल झाला आहे.
फिर्यादीचे पती निवृत्त झाल्यानंतर मिळालेल्या रकमेपैकी पाच लाख रुपये त्यांनी फिर्यादी इरावती सिडगिद्दी यांच्याकडे ठेवण्यासाठी दिले होते. फिर्यादीने त्यात भर घालून लॉकरमध्ये ११ लाख २५ हजार रुपये ठेवले होते. हेच पैसे त्यांच्या नववीत शिकणाऱ्या मुलाच्या मित्राने आई-वडिलांना ठार मारण्याची धमकी देत टप्प्याटप्प्याने उकळले. (Solapur News) दरम्यान, संबंधित दहावीतील मुलाने पैसे घेतल्याचा प्रकार त्याच्या नातेवाइकाला सांगितला. नातेवाइकानेही मुलाला धमकावत २ लाख रुपये घेतल्याचे उघड झाले आहे.
दरम्यान, फिर्यादीने डिसेंबर २०२२ मध्ये कपाटातील लॉकरमध्ये रक्कम मोजून ठेवली होती. (Solapur News) चावी कपाटातच ठेवलेली असल्याने ही बाब मुलाच्या निदर्शनास आली. फिर्यादीने पैसे मोजल्यानंतर कपाटात फक्त एक लाख रुपये असल्याचे लक्षात येताच तक्रार दाखल केली.
अधिक बातम्या वाचण्यासाठी येथे क्लिक करा :
Solapur News : मित्राच्या लग्नाला जाताना गाडीचा अपघात; तिघांचा जागीच मृत्यू, एक गंभीर जखमी
Solapur News : बाळूमामांच्या दर्शनाहून परतताना भीषण अपघात, जिवलग मित्रांचा मृत्यू; परिसरात हळहळ
