योगेश पडवळ
Shirur News : पाबळ, (शिरूर) : घराबाहेर झोपलेल्या महिलेला हेक्साब्लेडने कापून टाकण्याची धमकी देत अज्ञात चोरट्याने महिलेचे दागिने लांबवल्याची घटना घडली घडली आहे. मलठण (ता. शिरूर) येथील लाखेवाडी परिसरात हि घटना घडली आहे. याप्रकरणी शिरुर पोलीस ठाण्यात अज्ञात चोरट्यावर गुन्हा दाखल करण्यात आला आहे.
चोरट्यावर गुन्हा दाखल
साखराबाई भाऊसाहेब नानेकर (वय- ६०, लाखेवाडी मलठण ता. शिरुर) यांनी शिरुर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, मलठण येथील लाखेवाडीतील साखराबाई नानेकर या रात्रीच्या सुमारास घरात झोपलेल्या असताना एका व्यक्तीने त्यांच्या घराचा दरवाजा जोरात ढकलून उघडून घरात प्रवेश केला.
घरात आल्याननंतर सदर अज्ञात व्यक्तीने साखराबाई यांना हेक्साब्लेड दाखवत हेक्साब्लेडने कापून टाकण्याची धमकी दिली. तसेच धाक दाखवून त्यांच्या गळ्यातील अर्धा तोळे वजनाचे सोन्याच्या डोरल्याचे पोत सह दागिने काढून घेऊन पोबारा केला.
दरम्यान, या घटनेबाबत शिरूर पोलीस ठाण्यात पोलिसांनी अज्ञात चोरट्यावर गुन्हा दाखल केला असून पुढील तपास पोलीस निरीक्षक संजय जगताप यांच्या मार्गदर्शनाखाली पोलीस उपनिरीक्षक सुनील उगले करत आहेत.
