Shirur Crime News | तळेगाव ढमढेरे, (पुणे) : गावच्या यात्रेनिमित्त भरविण्यात आलेल्या बैलगाडा शर्यत दरम्यान बैलाचे शिंग छातीत घुसल्याने एका युवकाचा मृत्यू झाल्याची घटना तळेगाव ढमढेरे (ता. शिरुर) परिसरात घडली आहे. गुरुवारी (ता. १३)
वृषाल बाळासाहेब राऊत (वय ३५ वर्षे सध्या रा. धायरी पुणे, मूळ रा. राऊतवाडी शिक्रापूर ता. शिरूर) असे तरुणाचे नाव आहे. याबाबत योगेश अरुण राऊत वय ३६ वर्षे रा. राऊतवाडी शिक्रापूर ता. शिरूर) यांनी शिक्रापूर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, कासारी ता. शिरुर व तळेगाव ढमढेरे गावच्या सीमेवर असलेल्या बैलगाडा घाटात तळेगाव ढमढेरे व कासारी गावातील बैलगाडा शर्यतीचे आयोजन करण्यात आले होते. गुरूवारी तळेगाव ढमढेरे गावच्या यात्रेनिमित्त या ठिकाणी बैलगाडा शर्यतीचे आयोजन करण्यात आलेले असताना वृषाल राऊत हा देखील त्याच्या कुटुंबीयांसह बैलगाडा शर्यतीसाठी आलेला होता.
बैलगाडा शर्यत दरम्यान बैलाचे शिंग छातीत घुसून युवकाचा मृत्यू….
यावेळी बैलांना गाडीतून खाली घेत असताना बैलांनी केलेल्या हालचाली दरम्यान बैलाचे शिंग हे वृषाल याच्या छातीत घुसले, बैलाचे शिंग हे विशालच्या छातीत खोलवर घुसल्याने गंभीर दुखापत होऊन वृषाल याचा जागीच मृत्यू झाला. याबाबत योगेश राऊत यांनी शिक्रापूर पोलीस स्टेशन येथे खबर दिल.
दरम्यान,शिक्रापूर पोलिसांनी आकस्मात मृत्यूची नोंद केली आहे. याबाबत पोलीस नाईक रोहिदास पारखे व राहुल वाघमोडे यांनी प्राथमिक तपास करत मृतदेहाचे शवविच्छेदन करून मृतदेह नातेवाईकांच्या ताब्यात दिला असून पुढील तपास पोलीस निरीक्षक प्रमोद क्षीरसागर यांच्या मार्गदर्शनाखाली पोलीस हवलदार अमोल चव्हाण हे करत आहे.
अधिक बातम्या वाचण्यासाठी येथे क्लिक करा….!
Pimpari Crime News : पीएमपी बसच्या कंडक्टरला तरुणाकडून मारहाण..!
