अक्षय भोरडे
Shikrapur News : तळेगाव ढमढेरे, महिला मथुरेला देवदर्शनासाठी गेलेल्या असताना चोरट्यांनी घरात डल्ला मारुन अडीच तोळे सोन्याच्या दागिन्यांसह रोख रक्कम चोरुन नेल्याची धक्कादायक घटना शिक्रापूर (ता. शिरुर) ग्रामपंचायत हद्दीतील पाटवस्ती येथे उघडकीस आली आहे.
पन्नास हजार रुपये व अडीच तोळे सोन्याचे दागिने चोरीला..
याप्रकरणी शोभा पांडुरंग मानकर (वय ५१ रा. पाटवस्ती शिक्रापूर ता. शिरुर जि. पुणे) यांनी शिक्रापूर पोलीस ठाण्यात फिर्याद दिली आहे. त्यानुसार शिक्रापूर पोलिसांनी अज्ञात चोरट्यांवर गुन्हा दाखल केला आहे. (Shikrapur News)
पोलिसांनी दिलेल्या माहितीनुसार, शिक्रापूर (ता. शिरुर) येथील शोभा मानकर या मथुरा येथे देवदर्शनासाठी गेल्या होत्या. तेव्हा त्यांचे पती पांडुरंग मानकर हे सुद्धा मुलीच्या गावाला गेले होते. (Shikrapur News)
दरम्यान, शेजारील महिलांना मानकर यांच्या दरवाजाचे कुलूप तुटलेले दिसले, त्यांनी याबाबतची माहिती शोभा मानकर यांच्या पतीला दिली. याची माहिती मिळताच, पांडुरंग मानकर हे तातडीने घरी जाऊन पाहणी केली असता घरात ठेवलेले पन्नास हजार रुपये व अडीच तोळे सोन्याचे दागिने चोरीला गेल्याचे निदर्शनास आले. (Shikrapur News)
याप्रकरणी शिक्रापूर पोलिसांनी अज्ञात चोरट्यांवर गुन्हा दाखल करण्यात आला आहे. पुढील तपास शिक्रापूर पोलीस ठाण्याचे पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस निरीक्षक नितीन अतकरे करीत आहेत.
