(Sassoon Hospital) पुणे : मुख्यमंत्री एकनाथ शिंदे यांचा पी. ए. बोलतो आहे, असे सांगत ससून हॉस्पिटलच्या डीन यांना लॅन्डलाईनवर फेक कॉल करण्यात आल्याचा धक्कादाक प्रकार नुकताच उघडकीस आला आहे. ससूनमधील सुरू असलेल्या मेसचे दुसरे टेंडर भरा, असा आदेश देणारा हा फोन होता.
ससून हॉस्पिटलच्या डीन यांना कॉल…!
ससून हॉस्पिटलचे डीन डॉ. संजीव ठाकूर यांना लॅन्डलाईनवर हा फोन आला होता. ससूनमध्ये सुरु असलेल्या मेसचे दुसरे टेंडर भरा, असा आदेश देणारा हा फोन होता. या फोननंतर काही वेळासाठी ससून रुग्णालयात खळबळ उडाली होती.
मुख्यमंत्री एकनाथ शिंदे यांचा पी. ए. बोलतो आहे, असं सांगून फोन करणारा तब्बल पाच मिनिटे बोलत होता. त्या व्यक्तीने डीन यांच्याकडून सर्व माहिती घेतली आणि डीन यांना अनेक सूचनाही केल्या. मात्र काही वेळानंतर डीन संजीव ठाकूर यांना फोनबाबत संशय आला.
दरम्यान, त्यांनी या सगळ्या प्रकाराची खात्री करण्यासाठी आणि अधिक माहिती घेण्यासाठी थेट मुख्यमंत्री कार्यालयात फोन केला. त्यानंतर त्यांना आलेला फोन फेक असल्याचं उघड झालं. या घटनेची माहिती अद्याप पोलिसांनी देण्यात आलेली नाही.
