(Rajgurunagar News) राजगुरुनगर, (पुणे) : अचानक अंगावर वीज कोसळून एका ७० वर्षीय व्यक्तीचा मृत्यू झाल्याची घटना चास (ता. खेड) येथे रविवारी (ता. ०९) सायंकाळी सहा वाजण्याच्या सुमारास घडली आहे.
राम गंगाराम काळे (वय-७०) असे वीज पडून मृत्यू झालेल्या व्यक्तीचे नाव आहे.
मिळालेल्या माहितीनुसार…!
चास व परिसराला रविवारी सायंकाळी मुसळधार पावसाने झोडपून काढले. मुसळधार पावसासह ढगांच्या गडगडाट व विजेच्या कडकडात संध्याकाळी सहा ते साडेसहाच्या दरम्यान जोराचा पाउस सुरु झाला होता. यावेळी चास येथे राहणारे राम गंगाराम काळे यांच्या अंगावर वीज पडल्याने त्यांचा जागीच मृत्यू झाला.
दरम्यान, राम काळे यांचे संपूर्ण अंग भाजल्याप्रमाणे काळे पडले. त्यांच्या अंगावरील कातडीही भाजल्याप्रमाणे सोलुन निघाली होती. याबाबत खेड पोलीसात माहिती दिल्यावर काळे यांचे पार्थीव शवविच्छेदनासाठी राजगुरूनगर येथे आनण्यात आले. खेड पोलीस पुढील तपास करत आहेत.
