नाशिक : नाशिक रोड रेल्वे स्थानकावरील प्लॅटफॉर्म नंबर ३ वर रेल्वेच्या एका बोगीला आग लागण्याची घटना घडली असून यावेळी रेल्वे स्टेशनवर थांबली होती. यानंतर सर्व प्रवाशंना तातडीने खाली उतरवून आग वीजविण्याचे प्रयत्न सुरु करण्यात आले. सध्या आगीवर नियंत्रण मिळविण्यात यश आले आहे.
हावडा मुंबई शालिमार एक्सप्रेस मधील कपड्याच्या बोगीला आग लागली होती. यामुळे स्थानकावर धुराचे लोट निर्माण झाले होते. या घटनेमुळे स्टेशन परिसरात एकाच गोंधळ उडाला होता. नाशिक अग्निशमन दलाची वाहने तातडीने रेल्वे स्थानकाकडे रवाना झाले आहे.
या आगीमध्ये कोणतीही जिवीतहानी झालेली नाही. आग लागताच तात्काळ प्रवाशांना खाली उतरवण्यात आलं होतं. कपड्यांच्या बोगीला ही आग लागली आहे.
गोदावरी शिर्डी एक्सप्रेस पाटलीपुत्र एक्सप्रेस गोदान एक्सप्रेस पनवेल एक्सप्रेस शताब्दी आणि त्यानंतर पॅसेंजर या गाड्या लेट होणार आहेत. या गाड्या प्लॅटफॉर्म क्रमांक चार हूनही जाऊ शकतात. अशी माहिती रेल्वेच्या सूत्रांकडून मिळते आहे.
