Pune News : भावाला दिलेले उधार पैसे नवरा सतत मागत असल्याच्या कारणावरून साखर झोपेत असलेल्या पतीच्या अंगावर उकळते पाणी टाकून जीवे मारण्याचा प्रयत्न केल्याची घटना घडली आहे. शिवणे परिसरात गुरुवारी (ता. १३) पहाटेच्या सुमारास हि घटना घडली आहे. या घटनेनं परिसरात मोठी खळबळ उडाली आहे.(Pune News)
पतीच्या अंगावर उकळते पाणी टाकून जीवे मारण्याचा प्रयत्न.
महादेव जाधव (वय ३०, रा. शिवणे) असे जखमी झालेल्या पतीचे नाव आहे. या घटनेत पती गंभीरित्या भाजला असून त्याच्यावर रुग्णालयात उपचार सुरू आहे. याप्रकरणी संशयित महिलेविरोधात वारजे पोलिस ठाण्यात गुन्हा दाखल करण्यात आला आहे.(Pune News)
पोलिसांनी दिलेल्या माहितीनुसार, महादेव जाधव यांनी पत्नीच्या भावाला काही रक्कम उधार दिली होती. पैशांची अडचण असल्याने त्यांनी मेहुण्याला पैसे परत करण्यास सांगितले. भावाला दिलेले उधार पैसे सतत मागत असल्यावरून पत्नीच्या मनात राग होता. या रागाच्या भरात पत्नीने गुरूवारी पहाटे साडेतीन वाजण्याच्या सुमारास घरात झोपेत असलेल्या पतीच्या अंगावर गरम उकळलेले पाणी टाकले.(Pune News)
दरम्यान, या घटनेत महादेव गंभीरित्या भाजले आहेत. त्यांना तातडीने उपचारासाठी रुग्णालयात दाखल करण्यात आलं आहे. याप्रकरणी वारजे पोलिस ठाण्यात पत्नीविरुध्द गुन्हा दाखल करण्यात आला आहे.
