Pune News : येरवडा : पुण्यात स्वातंत्र्यदिनाच्या दिवशी एक धक्कादायक घटना उघडकीस आली. एका निलंबित वरिष्ठ तुरुंग अधिकाऱ्याने कारागृह महिला कर्मचाऱ्याच्या घरी जाऊन, महिलेच्या अंगावर पेट्रोल टाकून तिला जाळण्याचा प्रयत्न केल्यामुळे एकच खळबळ उडाली आहे. दरम्यान, महिलेने अधिकाऱ्याला जोरदार प्रतिकार करत स्वतःला बेडरूममध्ये कोंडून घेतल्याने पुढील अनर्थ टळला. प्रेम संबंध ठेवण्यास नकार दिला तसेच बलात्काराचा गुन्हा मागे घेत नसल्याने अधिकाऱ्याने हे नीच कृत्य केल्याची माहिती मिळत आहे. याप्रकरणी येरवडा पोलिसांनी तुरुंग अधिकाऱ्याला अटक केली आहे. Pune News
येरवडा पोलिसांनी तुरुंग अधिकाऱ्याला अटक केली
योगेश भास्करराव पाटील (वय ५२, रा. जेलर बंगला, जेल वसाहत, कोल्हापूर) असे अटक केलेल्या वरिष्ठ तुरुंग अधिकाऱ्याचे नाव आहे. या प्रकरणी ३९ वर्षांच्या कारागृह महिलेने येरवडा पोलीस ठाण्यात फिर्याद दिली आहे. Pune News
याप्रकरणी पोलिसांनी दिलेल्या माहितीनुसार, फिर्यादी या कारागृह शिपाई म्हणून काम करत असून आरोपी योगेश पाटील याच्यावर बलात्कार केल्याचा गुन्हा दाखल आहे. कोल्हापूर कारागृहात कर्तव्यावर असताना आरोपी पाटील आणि फिर्यादी महिलेचे ओळखीतून प्रेम संबंध निर्माण झाले होते. आरोपीने महिलेवर अनैसर्गिक अत्याचार आणि बलात्कार केल्याने महिलेने कोल्हापूरमध्ये वरिष्ठ तुरुंग अधिकारी पाटील याच्या विरोधात बलात्काराचा गुन्हा दाखल केल्याने राज्यात खळबळ उडाली होती. याप्रकरणी कारागृह विभागाने पाटील याला निलंबित करण्याची कारवाई केली होती. Pune News
दरम्यान, पाटील हा पीडित फिर्यादीला गेल्या काही दिवसांपासूंन वारंवार फोन करून त्रास देत होता. तसेच गुन्हा मागे घेण्यासाठी जीवे मारण्याची धमकी देत होता. दरम्यान, त्याने पीडितेला फोन करत तुझ्याशिवाय जगू शकत नाही, अशी बतावणी देखील केली. दरम्यान, फिर्यादी या सोमवारी सकाळी साडेनऊ वाजण्याच्या सुमारास घरी येत असताना त्याने तिला रस्त्यात गाठले. माझ्यासोबत चल, असे सांगत फिर्यादीच्या घरी आला. तो घरातील वॉशिंग मशीन घेऊन गेला.
दरम्यान, हा माथेपीरू पुन्हा पिडीतेच्या घरी आला. येताना प्लॅस्टिकच्या बाटलीत पेट्रोल घेऊन येत पीडितेला धमकावले. जर तू माझी झाली नाही तर मी तुला कोणाचीच होऊ देणार नाही, असे म्हणत त्याने तिच्या अंगावर पेट्रोल ओतून तिला पेटवण्याचा प्रयत्न केला. यावेळी पीडितेने त्याला धक्का देऊन आज खोलीत जाऊन लपली. तसेच इतरांची मदत मागितली. Pune News
दरम्यान, पोलिसांनी घटनास्थळी येत आरोपी पाटील याला अटक केली आहे. पुढील तपास पोलीस निरीक्षक जाधव तपास करत आहेत.
